زینت یارانوب خلق آرا بوخلقته آهو #رضویه_احسان_بدرخانی

یاضامن آهو
.
✍️ #زبدةالاشعار ✍️
.
🆔: @nohe_torki
.
احسان بدرخانی
.
زینت یارانوب خلق آرا بوخلقته آهو
علت اودی دنیاده چاتوب شهرته آهو
.
صیادی گورن وقته قاچارگوزقباقیندان
قانون غریزیله دوشر سرعته آهو
.
سعی ایلراونی گورمیه درنده لر اصلا
جنگلده گیدر قائله دن خلوته آهو
.
قاچمیشدی دیوللر بیری صیادین الیندن
دوشمیشدی یامان مشکله مین محنته آهو
.
گوردی اوزمان سیره چخوب عصرین امامی
باش قوزادی دقتله باخوب حضرته آهو
.
دردی چوخودی اولدی پناهنده رضایه
فورا ئوزینی سالدی در رحمته آهو
.
آغوشه اوحیوانی آلوب شاه خراسان
گویا که گلوب حضرتیلن صحبته آهو
.
ایمائلن عرض ایلدی ای حجت یزدان
لطف ایله گلوب مین غمیلن خدمته آهو
.
امر ایله منی بلکه شکار ایتمیه صیاد
حتما که جوارونده یتر حاجته آهو
.
جنگلده منیم بیر صود امر کورپه بالام وار
من سیز چکه بیلمز ئوزین امنیته آهو
.
مولا گور اوحیوانه نجه ایتدی نوازش
امر ایلدی صیاده دوشوب وحشته آهو
.
رحم ایله بو حیوانه علی اصغره خاطر
ئوز صود امریلن یته تا وصلته آهو
.
گل سنده در رحمته اخلاصیلن(احسان)
گوردون که یتوب بوقاپیدا عزته آهو
.
.
#رضویه_مدح
#زینت_یارانوب_خلق_آرا_بو_خلقته_آهو
#ترکی
.
.
✍️ #زبدةالاشعار ✍️
.
🆔: @nohe_torki