شجاعت حضرت ابوالفضل العباس علیه السلام
.
✍️ #زبدةالاشعار ✍️
.
🆔: @nohe_torki
.
شاهی اردبیلی
.
زین اوسته اولدی ظاهر ضرغام کوه پیکر
سیمرغ شیرصولت شیر عقاب شهپر
هیبتده حیدر آسا ، صولتده مثل صفدر
آلنیندا جلوه لنمیش اللهیلن پیمبر
سقای تشنه لبدور دورین آلوب حرملر
.
.
اوچ دورد یاشیندا قیزلار لب تشنه رنجدیده
قمری دیلر قنادسیز جیراندیلار رمیده
بیر یاسمندی هرقیز اما خزان کشیده
عمری غزلدی کوته ، دردی اوزون قصیده
شمشاد آت اوسته غمگین گل لر یر اوسته پرپر
.
.
آلمیش سو انتقامین بیر جور او گل چیچکدن
قرمز الو کانه کچمیش یاشیل ایپکدن
حضرت گوروب باخیشلار ایستور دوتا اتکدن
غیرت جوشوب اورکدن قوّت جوشوب بیلَکدن
یردن بویوردی الله گویدن ائشیتدی اکبر
.
.
بیر حمله دن او حضرت تیترتدی عرصه گاهی
باشلاردا تیکدی اوخنان قلخانلارا کلاهی
گه کسدی گاه بیچدی گوش و سپر سپاهی
اورگندی خنجریندن تیزی زبانِ « شاهی »
کسب ائتدی صولتیندن سرمایه طبعِ « انور»
.
.
سیندیردی بیر سپاهی بیر پنجۀ شررپاش
بعضی آلین یاریلدی بعضی گوزه کئچوب قاش
چون دانه های تسبیح اوخلاردا ساپلانوب باش
چون جانماز شیطان پهن اولدی یرده اوباش
میت نمازی قیلدی ابلیس کینه گستر
.
.
سس سالدی عرصه گاهه جاءَ الاَجل سفیری
داد ائتدی عرشه یارب محفوظ قیل بو شیری
احسن به این دلاور احسن به این دلیری
با ریش خصم سازد از نیزه گردگیری
کارَد درخت آهن در استخوان لشگر
.
.
یعنی منم که جسمم چالاک تر زجان است
از آستین برآرم دستی که داستان است
عشق و شرف دو گوهر جان و دلم دو کان است
با این دو کان دو عالم کمتر ز یک دکان است
بگذر از این دو گیتی ، بنگر به آن دو گوهر
.
.
دادم چو دست بیعت سلطان کربلا را
بگذاشتم ز مستی بر فرق ماه پا را
ما را بس است این مِی شط العرب شما را
« هات الصبوح هبوا یا ایها السکارا »(1)
جانی دگر بگیر و جامی دگر بیاور
.
.
در چنگ شب پرستان کردم دچار جان را
هرگز ولی نخوردم با نرخ روز نان را
مدح یزید ظالم از من مخواه آن را
یا این سخن نگویم یا بشکنم دهان را
یا بشکنم دهان را یا دم زنم چو حیدر
.
.
حاشا اولام مبلغ شیاد بد ضمیره
آغ سویلیم قرایه، گلشن دیم کویره
والی اولوب بش اون گون مولا دیم حقیره
اظهار ائدم اولوالامر ایمانی یوخ امیره
کفره دیم دیانت رهزن یزیده رهبر
.
.
لبدن چیخوب سوز اولدی خنجر لبینده تفسیر
ناگه اوجالدی بیر قول گورسندی دست تقریر
اندیردی هر قیلینجی قوزاندی گوگده تکبیر
افعی لر ائتدی حمله اوتدی دهان شمشیر
نهر فراتی قیلدی بحر کرم مسخر
.
.
اوجین ائدوب سودان پر قیلدی خطاب او ساقی
ای سو عجب اونوتدون بیر صود امر اوشاقی
ایچدی سنی آلاخلار یاندی اونون دوداقی
تر ائتمرم سنیلن لب اوزگه لر سیاقی
سن جان براتی سن من جاندان کئچن دلاور
.
.
ای سو حسین اسیری آیری براتی نیلور
شهدور او بنده نوکر، نوکر نجاتی نیلور
اول ذاته خو تاپان کس فانی صفاتی نیلور
نهر فراتی نیلور آب حیاتی نیلور
«من خون خورم نه باده من غم کشم نه ساغر»(2)
.
.
سن بینوا ربابی سالدون بلایه ای سو
مین ناز و عشوه ساتدون بیر مبتلایه ای سو
کول ائتدون آرزوسین وئردون هوایه ای سو
گوزلر منی حرملر قالسون گلایه ای سو
قالسون گلایه ای سو گوزلر منی حرملر
.
.
آت دیرناقیندا ناگه یردن سویولدی پوشش
خورشید آسمانه توزدان توخوندی روکش
دورت نعلدن چیخوب قُور دورت سمته سالدی جوشش
صد حیف اولا ثمردن خالی اولوب او کوشش
سرو سوار کاره بَر ویرمدی او قان تر
.
.
ناگه چیخوب کمیندن بیر مرد بد قواره
گورسون قاشین دیَرسن عقرب اولوب دوپاره
هر گوز یرینده اوخشار بیر اژدهالی غاره
هر چینی بیر مناره شیطان بد شعاره
هم دیودن دنی تر هم غولیدن قوی تر
.
.
بوجهل تک باخیب بیر بو فضل بو ترابه
اندیردی پشت سردن شمشیرین اول جنابه
بیر دفعه گوردی سقا صاغ قول دوشوب ترابه
گوز گوشه سیله اوّل بیر باخدی مشک آبه
اوندان مخاطب ائتدی صول پنجه سین او سرور
.
.
گل سینمون شرارین درک ائت سوزومدن ای ال
قوی یاره لر بو قلبی سالسین دوزومدن ای ال
ترپنمه ویرسا گر اوخ دشمن گوزومدن ای ال
مشگیمدن اول نگهبان اولما الیمدن ای ال
بیر عده تشنه آهو الان بو مشگی گوزلر
.
.
بیر جانیم اولسا ایندی مین کربلایه ساللام
مین جانه مین جهانه بیر جرعه اولسا آللام
مین بی ادب باشیمدان داش ویرسا گر اوجاللام
مشگیم دَلینسه ئوللم آلنیم دلینسه قاللام
اطفاله سو یتورّم اولسا اگر مُقدّر
.
.
ساغ قول دئمم نه گوردی نامرد ناخلفدن
قولدان ال اوزدیم اما ال اوزمرم هدفدن
هر سمته دونسه انسان ناچیز اولار علندن
هر دینده سهم آپارمیش یکرنگلر شرفدن
یک چهره محترم دور حتی گر اولسا کافر
.
.
گرچه دچار اولوبدور شر اهلینه شریعت
بی قدرلر ویروبلر ناکس یزیده قیمت
باطل اولوب توانا جاهل تاپیب فضیلت
من کذبه اگمرم باش یا مرگ یا حقیقت
بیر جاندان اوتری حاشا جباره اندیریم سر
.
.
صد حیف او هست هستان داشلاره آچدی دستان
داشلاره آچدی دستان صد حیف او هست هستان
بیردن گتوردی حمله بیر عده پست پستان
صول پنجه ده قلنجین اویناتدی مست مستان
حمزه ائدوب دعاسین آمین بویوردی جعفر
.
.
مینلر قلنج وران قول همدست اولوب اولده
تا قهریلن ساغ ال تک اولسون قلم صول الده
آخر موفق اولدی ناکسلر اول عملده
بی پر عقابه هر کس ال تاپدی اول جدلده
یاغدیردی وحشیانه هر عضوه اللی خنجر
.
.
غم لکه سی اوتوردی آئینۀ زماندا
ختم اولدی سرنوشتی بیر تیر و بیر کماندا
اوخ مشکی دلدی کئچدی سو قالمادی اماندا
گوز اشکی تک او مشکون هر قطره سی داماندا
خاک شفانون اوسته نقش ائتدی اصغر،اصغر
.
.
بیر قهرمان که پوزمیش بیر لشگر عنودی
ایندی آت اوسته قولسیز لنگر ویرار وجودی
بیر ظلم ائدوب مسلمان حیران قالیب یهودی
ناگه بیر اهرمن خو اندیردی بیر عمودی
باشدان کلاهی دوشدی زهراده آچدی معجر
.
.
وقت اولدی تا یخلسون سردار پر جراحت
ال که یوخیدی ائتسون اول جسمدن حمایت
ساغ گوزده سانجیلان اوخ آزاد اوجین او ساعت
تُپراقه قویدی اوّل بَعداً یخلدی حضرت
لنگرلی بیر وجوده وئردی بیر آیری لنگر
.
.
بیر زخمدارون اوسته لشگر توکولدی مین مین
اعضا داغیلدی بیر بیر قامت کیچیلدی چین چین
زهرا بویوردی وای وای زینب چاغیردی جدین
« گل دشت کربلایه یا خاتم النبیین»(3)
ماهه برابر اوغلون دوغراندی اختر اختر
.
.
بیر یل که هیبتیندن تیترردی اهل کینه
ایندی مقابلینده وئرمیش قباقه سینه
قهراً آتار کمانین هر بی ادب زمینه
سانجار اوخی الینن اول جسم نازنینه
پیکان اوجیندا چیخمیش شیرازه دن او پیکر
.
.
پیران ائدوب پیاده بی دست و پنجه شیری
شه مات اولوب گورنده آتدان دوشن وزیری
رخ وئردی مین مصیبت اولدی بلا اسیری
سیندی بلیم بویوردی هنگام سخت پیری
جسمون دوشوب ترابه یا پاره پاره دفتر
.
.
اگلشدی باشی اوسته گئتدی حسین ئوزیندن
دیندیردی هر نقدری کام آلمادی سوزیندن
ما فی الضمیرین اما درک ایلدی یوزیندن
ساغ گوز سوزولمیشیدی بوس ائتدی صول گوزیندن
شمس و قمر بیر اولدی گورسندی صحن محشر
.
.
غم دفتریم آلیشدی فریاده خامه گلدی
ال چالدی کوفه اهلی صفلر نظامه گلدی
مین تیر طعنه هر دم قلب امامه گلدی
ناچار اولوب او بی کس دوردی خیامه گلدی
یات سنگرونده قولسوز گئتدیم دئدی برادر
.
.
جان لبده اود جگرده آیریلدی قارداشیندان
سرحلقۀ دیانت اولدی جدا قاشیندان
اشکی توکوب محاسن ایسلاندی گوز یاشیندان
تلی انوب گوتوردی عمامه سین باشیندان
گورسندی سر برهنه خورشید ذره پرور
.
.
خیمه سرا محیطی دنیای نسگیل اولدی
بیر ایش گوروب او سلطان تعریفی مشگل اولدی
عباس چادرینن گلدی مقابل اولدی
چکدی اونون ستونین غم نامه کامل اولدی
شاخصی دئیوب اوشاقلار زینب بویوردی حیدر
.
.
یارب گلنده فرمان سلطان اخرویدن
مسرور اولاندا شیعه پاداش پیرویدن
سن بیل حسین آییرما «شاهی» نی «یحیوی» دن
حیران اولوب حسینه اول شاه «معنوی» دن
گه سویلسون بو نوکر،گه سویلسون او نوکر
.
(1)حافظ ( غزل شمارهٔ ۵ ) : ای مستان، بیدار شوید و شرابها را (به من) بدهید
(2)خاقانی
(3)مرحوم یحیوی
.
.
.
#عباسیه_شاهی_اردبیلی
#عباسیه_شجاعت
#عباسیه_شهادت
#زین_اوسته_اولدی_ظاهر_ضرغام_کوه_پیکر
#ترکی
.
✍️ #زبدةالاشعار ✍️
.
🆔: @nohe_torki
نظر دهید