زبانحال حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_واویلا_واویلا …
مشابه
.
مرحوم نادری میانجی
.
ساخلا منی سالما صحرایه عقابیم
ویرمه منی بوردا اعدایه عقابیم
گیت خیمۀ شاهه گوزیولدا قالان وار
اوردا منی تاپشور لیلایه عقابیم
.
.
گل دشمنه ویرمه سن سرو خرامی
اعدانی ملول ایت شاد ایله خیامی
قویما قالا آغلار آواره آنامی
چوخ زحمته سالما یالقوزدی بابامی
قوی باغلاسون عمم باشیمده یارامی
ویرسونله خبر تا زهرایه عقابیم
.
.
عزم ائله خیامه سست اولما اماندی
آلقانه بویانجاق لشگر آرالاندی
شمشیر وروبلار باشیم یارالاندى
چوخ عرصه ده قالما دشمن جان آلاندی
چک شیحه ایشتسون لیلا نگراندی
ویرسن منی تحویل طاهایه عقابیم
.
.
گور قتلمه دورموش آماده دی لشگر
میداندا باتوبدور آلقاننه اکبر
اخیامده عطشان اولاد پیمبر
آغلار سوسوزوندان گهواره ده اصغر
حمل ایله خیامه عمّم منی گوزلر
بیر نامه یازام تا صغرایه عقابیم
.
.
سالسون منی بوردا سال اولما پریشان
قوی نعشمی بیرده پامال ایده عدوان
ایت قانملن سن ئوز یالوی الوان
گیت خیمۀ شاهه بیلسون شه عطشان
معلوم اولا اکبر میداندا وئروب جان
اولسون سنه بو قان پیرایه عقابیم
.
.
گیت سمت خیامه ای مرکب رهوار
عبّاس عموما ایت سن بو سوزی اظهار
اکبر سنه قربان ای عمّ وفادار
لشگرسیز امامه چون سن سن علمدار
یوخ اوغلی بابامون قویما اونی بی یار
عطشان گیدور اکبر عقبایه عقابیم
.
.
یاز نادری صغرا ماتم دوتوب آغلا
ئولدی علی اکبر چوخ یوللارا باخما
دلبند حسینم جان و دل لیلا
ناکام ئولور اکبر کامه یتور اعدا
گریان اولاجاقدور گورسه سنی سقا
اف بیله زمانه دنیایه عقابیم
.
.
#اکبریه_نادری
#اکبریه_شهادت
#ساخلا_منی_سالما_صحرایه_عقابیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید