در کیفیت خواب دیدن اعرابی
گریز به شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
ساقیا دور گتور می گلرنگ
قویما عشاقی چون اولا دلتنگ
.
دوت الیمدن منیم ایاغیلن
دور ائله بزمی بیر سیاقیلن
.
من محزونی غم ائدوبدی هلاک
وئر می نابی نوش ائدیم بی باک
.
باشلیوب مرغ دل ترانه گینه
قویما منده گلوم فغانه گینه
.
منی مست ائت او باده دن بو زمان
چکر حسرت همیشه پیر و جوان
.
چون گلون قدرینی بیلور بلبل
اودی کیم بلبلی سُور هر گل
.
دئمه سن هر گله گلاب چیخار
عمل خیردن ثواب چیخار
.
نه عملدور وئرور همیشه ثمر
او عمل مدح خواجۀ قنبر
.
گوش ائدون بو زمان صغار وکبار
بیر عجایب حدیث ائدیم اظهار
.
نقل ائدر راوی نکو منظر
ایلمیشدی وفات پیغمبر
.
جای مولانی غصب ائدوب یاران
اوتورمیشدی ابوبکر نادان
.
منبر اوستونده ایدی اول گمراه
بیرجه اعرابی گوردیلر ناگاه
.
مسجده داخل اولدی آلدى خبر
کیمدی بوردا وصی پیغمبر
.
مضطرب اولدی خلق چون او زمان
اونا وئردیله اول لعینی نشان
.
گوردی اعرابی چون او بی ادبی
دئدی سن سن وصیّ ختم نبی
.
گر وصی سن رسول مختاره
ائت منیم سن بو دردیمه چاره
.
گورمیشم بیر یوخی من شیدا
چخوب ایمدی یادیمدان اول رؤیا
.
گوردوگوم خوابی سویله سن بیربیر
بعد از آن ائتگیلن اونی تعبیر
.
ائشیدوب بو سؤزی خلیفه او دم
دئدی بو علم غیبی من بولمم
.
ائتمدی شرم آچدی نطق زبان
ایکیمینجی کیشینی وئردی نشان
.
گلدی اول کافرون یانینه او مرد
گوردی مرهم پذیر اولان دگو درد
.
گوردی مطلب دن عکس گفتاری
بوندا یوخ هئچ فضلون آثاری
.
اوچومونجی کیشیدن آلدی خبر
قالوب عاجز او مرتد و کافر
.
الغرض راوی نقل ائدر یاران
یا اباذر یتیشدی یا سلمان
.
دیدی اول شخصه گل چوخ اولما ملول
دگو بونلار یقین وصی رسول
.
آپاروم من سنی ولی یانینا
شاه خیبرگشا على یانینا
.
گلدیلر خدمت شهنشاهه
قویدیلار یوز او پاک درگاهه
.
ماجرانی ز اوّل و آخر
ایلدیلر او سروره ظاهر
.
اذن وئردی او شاه کون و مکان
اگلش اعرابی اگلشوب او زمان
.
طفلیدی اوندا سیّدالشهدا
دیدی اول شخصه شوقیلن مولا
.
قویما بیله لب اوستینه لبیوی
بو اوشاقدان سوروش او مطلبیوی
.
دئدی اعرابی ای شه مردان
بو اوشاقدور اولوم سنه قربان
.
پیرلر عاجز اولدی ای مولا
بو نه نوعی وئرور جواب آیا
.
دئدی مولا بو نوع ائتمه خیال
سانما بو طفل دور سن ایله سؤال
.
بو مجازی گوزونده اصغردور
بو وجود عالمه برابردور
.
سن دئمه طفل دور بو، اعرابی
اوخویوب هر کتابی هر بابی
.
چون بونا پرورش وئروبدی نبی
بولی هر علمی بیل بودور سببی
.
باخدی مولا شه شهید اوزینه
دیدی وئرسن جواب اونون سوزینه
.
نطقه گلدی او پادشاه عرب
شوق و ذوقیله با هزار ادب
.
دیدی گوردون زمان رؤیاده
دورموسان بیر وسیع صحراده
.
گوردون اوندان صورا که گویدن سن
گلدی نئچه ستارۀ روشن
.
باخدیلار بیر زمین و افلاکه
گئچدی بیر قدر دوشدیلر خاکه
.
بیرده گوردون که بیر مه تابان
گوئیا طشت تک لبالب قان
.
اودا دوردی هواده بیر ساعت
دوشدی تپراقه با غم و محنت
.
دئدی اعرابی ای ولی خدا
دوزونی سویلدون که سن حقّا
.
بئله گورمیشدیم ای امیر کبیر
بولاری بیر بیر ائتگیلن تعبیر
.
دئدی مولا جهانه غم سالما
گل بو تعبیری سن خبر آلما
.
عرض ائدوب ای شهنشه دو جهان
منی مأیوس ائتمه ایله بیان
.
دیدی مولا او گوردوقون صحرا
اورا سویلرله دشت کرب و بلا
.
او ستاره کومکلریمدی منیم
یعنی عباس و اکبریمدی منیم
.
طشت پر خون کیمین او ماه تمام
او منم کربلاده لشگر شام
.
منی ایلرله قانیمه غلطان
شمر دون باشیمی کسر دالیدان
.
گلمیوم من نه نوع فریاده
دوشدی شیعه حسین گینه یاده
.
آه او وقتدن او شاه بی لشگر
الى اوستونده تشنه لب اصغر
.
دیدی ای کوفیان کینه شعار
بیر بو طفله منیم گمانیم وار
.
بو گون اوچ گوندی اممیوب پستان
بونی بو نوع قویمیون عطشان
.
بیر ایچیم سو وئرون بو طفل صغیر
سیزه ای قوم ائتمیوب تقصیر
.
هرچه تکرار ائدوب او شاه زمن
ائتمدی رحم سنگدل دشمن
.
اول زمان حرمله مسلمان لار
گوتوروب بیر خدنگ آتشبار
.
ایلمیشدی علی اصغر خواب
ایلدی حرمله عجب سیراب
.
قورتولوب اوخ اونون کمانیندن
گئچمدی تیر اوز نشانیندن
.
گوردی بو حالی شاه بی غمخوار
قویدی یوز خیمیه به حالت زار
.
بسکه دلتنگ اولوب بو محنتدن
قاییدوب خیمه دن خجالتدن
.
اصغری نئچه دفعه سرور دین
آپاروب خیمیه امام حسین
.
فکر ائدردی نئجه بو طفلی خدا
آناسینه وئریم ائدردی حیا
.
قاییدوب دور ائدردی میداندا
آخری دفن قیلدی بیر یاندا
.
ای خدای قدیم و هم اکبر
به حق بو حسین و بو اصغر
.
یارب حضّاری ایله پیر و جوان
زائر کربلا گلن قربان
.
جمله مدّاحه اجر وئر یارب
به حق رتبۀ امیر عرب
.
چونکه دلریش اولوبدی غرق گناه
حشرده اول اوزون الهی پناه
.
.
#اصغریه_دلریش
#اصغریه_شهادت
#ساقیا_دور_گتور_می_گلرنگ
#ترکی
.
✍️ #زبدةالاشعار ✍️
.
🆔: @nohe_torki
نظر دهید