ساقیا ویر منه بیر جام که گلنار اولسون #ساقی_نامه #قمری

ساقى نامه در مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
مرحوم میرزا محمد تقی قمری دربندی
.
.
ساقیا ویر منه بیر جام که گلنار اولسون
مى گل رنگ فرح بخشیله سرشار اولسون
.
فصل دى گچدى بهار اولدى یتوب فصل نشاط
بادۀ نابى گتور تا منه غمخوار اولسون
.
قوت جان راح مصفّانى گتور پى درپى
مست اولوم باشدا گینه عشق رخ یار اولسون
.
او قدر ایله عطا خضرم شوق افزانى
تا دیوم ذوق صفا ایله الون وار اولسون
.
لذّت آب طرب ذوقنى نادان نه بیلور
ایچمین جام محبّت نجه هوشیار اولسون
.
خم صهبانى گتور قوى یانیما راحت اولوم
رنگى چون لعل لب احمر و دلدار اولسون
.
باشه لاجرعم چکوم ساغر گلفام شراب
طوطى نطق فصاحتله گهربار اولسون
.
تردماغ ایله او می دن که اولوم رطب لسان
هر سوزوم منقبت #حیدر_کرار اولسون
.
داشدى دریا کیمى طبعیم کرم ایت اى ساقى
داخى بوندان صورا حاشا بیله بازار اولسون
.
دمبدم شوقیله پیمانۀ مینا دولدور
کیمدى من شوقیده مینایه خریدار اولسون
.
بیله مست ایله گوزومدن چخا دنیاى فنا
نظریمده نه گل و گلشن و گلزار اولسون
.
ویر او می دن ایده بیر جرعه منى مستانه
تا که هر کلمۀ نظمیم دُر شهوار اولسون
.
ویر او می دن باشما عشقیله سودا گتوره
صحبتیم مجلس عرفانه سزاوار اولسون
.
ایله مى ویر که اولا هر نفسیم مدح على
او على ابن عم احمد مختار اولسون
.
هانى قمری ده او قدرت اولا مداح على
ملهم غیب مگر اینکه مددکار اولسون
.
.
#ساقی_نامه #قمری
#ساقیا_ویر_منه_بیر_جام_که_گلنار_اولسون
#ترکی
.
✍️ #زبدةالاشعار ✍️
.
🆔: @nohe_torki