مدح حضرت علی (ع)
.
✍️ زبدة الاشعار ✍️
?: @nohe_torki
.
شبگیر تبریزی
.
ساقی گتور پیاله احبا علی چی دور
عشق عالمینده ساغر و مینا علی چی دور
.
هر بیر پیاله کاسۀ سر، بیر پیاله نوش
گل بیر پیاله ویر که سراپا علی چی دور
.
میخانه ده علی چی عبث ایتمور اعتکاف
ساقی علی چی بادۀ حمرا علی چی دور
.
دم ساز ایدر گورنده علی چی علی چینی
ساز دمین لزومینه صهبا علی چی دور
.
جام جهان نما دل دیوانه دور یقین
دیوانۀ مجرّد و شیدا علی چی دور
.
اغیاره یوخدی نشئۀ صهبای مرتضی
پرنشئه دور او کیمسیه پیدا علی چی دور
.
فقر عالمده جلوه ایدر شعشع جمال
بحر جلاله غرق تجلّا علی چی دور
.
کشّاف المهم سویداده بی حجاب
آگاه رمز سرّ سویدا علی چی دور
.
اعلی علینی نصب ایلیوبدور ولایته
صاحب ولا و محرم الّا علی چی دور
.
گل احتراق سمعوی زاهد خموش ایت
بیگانۀ محبت دنیا علی چی دور
.
اغراقه یوخ محلّ بودور جوهر کلام
خلقتده حیّ قادر یکتا علی چی دور
.
محکم حصار امن خدادور ولایتی
هر کیمده وار محبّت مولا علی چی دور
.
آدم تاپوب نجات دیوب یاعلی مدد
یعنی جهاندا آدم و حوّا علی چی دور
.
موسایه مرتضی بویوروب لفظ لاتخف
موسی گوروبدی نخلۀ سینا علی چی دور
.
انوار نخل دور قبس کمتر علی
علت اودور که حضرت موسی علی چی دور
.
موسی علی چی دور اَرِنی طورده دییوب
طور و عصائیلن ید بیضا علی چی دور
.
مریم کنیز حضرت زهرادی لابشرط
مریم علی چی حضرت عیسی علی چی دور
.
مَتّی علی چی پُطرُس و مَرقُس علی چی دور
یحیی علی چی عاذر و لوقا علی چی دور
.
نوح و خلیل و اِسحَق و قربان راه عشق
شمعون و یوشعیله یهودا علی چی دور
.
سارا خدیجه آسیه و هاجر و خلیل
درگاه عشق حقده صفورا علی چی دور
.
مجموعۀ صحایف زرتشت علیده دی
دانای دین مانی و بودا علی چی دور
.
یوسفده وار تجلّی آثار مرتضی
یوسف بهانه دور که زلیخا علی چی دور
.
حیّ جمیل جلوه ایدوبدور جمیلده
هر بیر جمیل و چهری مزکّا علی چی دور
.
باب مدینه علم رسوله علیدی بس
لیکن جهان فقرده طاها علی چی دور
.
ارواح انبیائله کلّ ِ مُکَوِّنات
شمس و قمر علی چی دی شعری علی چی دور
.
ارکان علی چی فَرقَد و ناهید و مشتری
عِقدُالذَّنَب علی چی دی جُوزا علی چی دور
.
مولا بویوردی نقطۀ فی تحتِ با منم
جبریلدور مُوَکِّل ِ با تا علی چی دور
.
بیر نقطه ده ایدوبدی ایکی نقطه اعتکاف
ظاهرده معتکفدی بمعنا علی چی دور
.
اعیان ثابت، عینِ علیدن اولوب عیان
اعیانِ عین و عینِ مُرایا علی چی دور
.
لامع لوایح ازلی بطن لامده
لمعاتی لوایح اِلقا علی چی دور
.
یای علیده جمعدی جمعیّت حروف
رمز حروف اِلِفدی الف با علی چی دور
.
ذرّات کایناته علی والی و ولی
یعنی که ذرّه ذرۀ اشیا علی چی دور
.
چار اُسطُقُس علی چی دی عالمده لاکلام
هم جزءِ جزءِ لایتَجَزّی علی چی دور
.
نشراکیطائیلیله یتر رمز غیبها
لوقائیلیله حضرت طاها علی چی دور
.
نام علیدی اعظمُ الاسمای کبریا
اسم علیّ و عالی و اَعلی علی چی دور
.
حقّ علی مطابق واقعدی لاکلام
مولی علی بو بارده حتّی علی چی دور
.
سوگند اوز حقیقت کُلُّ الوراسینه
ادورارِ کُلّ ِ سیردهِ زهرا علی چی دور
.
شمس دُوُم حسندی سپهر ولایته
هادیدی گرچه امّته امّا علی چی دور
.
کُلُّ الوجود، عاشق سلطان کربلا
سلطان کربلاده سراپا علی چی دور
.
مشکل گشا عقیله دی زینب جهانیده
عالم بُولر که زینب کبری علی چی دور
.
باب الحوائج حضرتِ عبّاس ِ نامدار
فرمانده سپاه بلایا علی چی دور
.
قنبر علی چی میثم تمّار علی چی دور
قاسم علی چی اکبر لیلا علی چی دور
.
مولی علیدی قبلۀ اصلیّ ِ عاشقان
بیت خدا و مسجدالاقصی علی چی دور
.
بیت حَطیم، غار حرا، مروه و منا
اصحاب کهف و کهف مصفّا علی چی دور
.
هر کیمده یوخ محبت مولا مریض دور
زاهد چکیل که معنی اِنّا علی چی دور
.
اسم علیدی راهنما اهل وحدته
اصحاب عشق عالم بالا علی چی دور
.
اهل ولایه نار جهنّم حرامدور
خندان روز محشر کبری علی چی دور
.
#شبگیر افتخار ایله دهر سِپَنجده
روحون بسان پهنۀ دریا علی چی دور
.
اولموش علی چی روز ازلدن آتان آنان
همره لرونده دهریده طوبی علی چی دور
.
محفل دی مِیْ سرای مِیِ عشق مرتضی
هر کیم گلور بو محفله گویا علی چی دور
.
#حیدریه_مدح
#ساقی_گتور_پیاله_احبا_علی_چی_دور
#شبگیر_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید