سالما بو مأواده عقابیم منی #اکبریه_مضطر_اردبیلی

بحر طویل
زبانحال حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_نطقه_گل_ای_شاه_شهیدان_حسین
.
مرحوم مضطر اردبیلی
.
سالما بو مأواده عقابیم منی
گوزلری یوللاردا آنام وار منیم
خیمه دی مقصود و مرامیم عقاب
یوخسا غریب ئولکه هارام وار منیم
یثربه چاتماز الیم، کرب و بلادور یریم
غملو فضا دور یریم، دشت منادور یریم
.
.
.
ایندی آنام خیمه آرا بیقرار
دل فکار – گوز یاشین ایلر نثار
غملی فراقمده ایدر آه و زار
اشکبار – غملره اولمش دچار
گوزلری یوللاردا قالوب انتظار
داغدار – خیمه ده بی غمگسار
دمبدم اکبر دیوبن ای فلک
هاردا قالوب نازلی بالام وار منیم
.
.
.
جسمیمه بی حدّ بو قوم ظُلم
با ستم – یاره ویرار دمبدم
اولما رضا دشمن ایچینده ئولم
جان ویرم – باری گوتور بیر قدم
ضرب عمودیله بیلیم اولدی خم
مایلم – خیمه لره من گیدم
طاقت و تابیمی الیمدن الوب
باشیده بیر كاری یارام وار منیم
.
.
.
لشگر عدوان منه ویرمز امان
جان ستان – دوره م الوب کوفیان
قتلیمچون الده دوتوبلار کمان
اوخ ویران – جسمیمی ایلوب نشان
مونسیم اوخ نیزه انیسیم سنان
بی گمان – همدمیم اولموش فغان
گوزلری یوللاردا قالوب خیمه ده
تشنه جگر داغلی بابام وار منیم
.
.
.
نظم و نظامیله دوروب صف به صف
هر طرف – طایفۀ ناخلف
رحمدن از بس هاموسی خالی کف
بی شرف – دشمن شاه نجف
پیکریمی اوخلارا ایتمش هدف
وااسف – ایلیه لر تا تلف
بیرده بابامون یوزونی من گورم
بذل ایلیم جانی رضام وار منیم
.
.
.
قسمت ایله بارخدا بیزلره
یکسره – جملۀ خواهانلره
نوحه گره هم بو حسینی لره
مضطره – شاعر غم پروره
زایر اولاق قبر علی اکبره
اصغره – قاسم گل پیکره
شوط ایلدوكجن دیوم هر مرقدی
تشنه جگر بوردا أقام وار منیم
.
.
#اکبریه_مضطر_اردبیلی
#اکبریه_شهادت
#سالما_بو_ماواده_عقابیم_منی
#ترکی
.
✍️ #زبدةالاشعار ✍️
.
🆔: @nohe_torki