زبانحال حضرت سیدالشهدا ( ع ) به جبرئیل
✍️ #زبدةالاشعار ✍️
🆔: @nohe_torki
.
#سبک_زینبم_جان_اوستیم … 4 سبک
.
سیّد محسن رجایی تبریزی
.
.
سالما سایه باشیم اوسته آچما شهپر جبرئیل
قوی منی بو حالیله گورسون پیمبر جبرئیل
.
.
باش و جاندان گیچمیشم من ظِلّ شهپر نیلورم
جامِ وحدت مستیم ، تسنیم و کوثر نیلورم
اولموشام مدهوش جانان اوزگه ساغر نیلورم
عشق یاریله اولوب جسمیم مخمّر جبرئیل
.
.
گر چه سوزش آرترور جسمیمده تابِ آفتاب
شهپرون یغ ، روحه آرامش ویرور بو التهاب
یاریله یار اورتاسیندا خوش دگول اولسون حجاب
اود ایچینده یانماغی خوشلار سمندر جبرئیل
.
.
وصلِ هجران آختاران عشّاقه هجران خوش گلر
عاشق ِصادق لره رنجِ فراوان خوش گلر
پای سالکدن اوپه خارِ مغیلان خوش گلر
عالَمِ عشقیمده بو عالمدی خوش تر جبرئیل
.
.
وصل ِیاره یتماقا دلده شتابیم وار منیم
بو شتابیله نمایان اضطرابیم وار منیم
جامِ عشقین مستیم قاندان شرابیم وار منیم
ایچدیریر عاشق لره قان قانلی ساغر جبرئیل
.
.
من بو وصلین آرزوسین چکمیشم چوخ صبح و شام
لحظۀ موعود اولوب ، هجران تاپوبدور اختتام
شهپرون یغ لذّتِ وصلی منه ایتمه حرام
بو سعادت هر کسه اولماز مُیّسر جبرئیل
.
.
شهپرون یغ جسمیمی انظاریدن ایتمه نهان
قان ایچینده نعشیم اولموش منظرِ کرّوبیان
قوی آنام بیرده منی حوریلره ویرسون نشان
افتخار ایتسون منه زهرای اطهر جبرئیل
.
.
نه محبّتدور گر عاشق عاشق طاقتی طاق اولماسا
عاشقِ صادق ساییلماز درده مشتاق اولماسا
پیکریم گُل برگی تک یرلرده اوراق اولماسا
اولماز اسباب ِشفاعت روزِ محشر جبرئیل
.
.
یاره لر جسمیمده گر چه سوزشِ جان آرترور
یانماقیم بو نوعی روحه حظّ شایان آرترور
زخمِ پیکان دلده شوقِ وصلِ جانان آرترور
خوشدی اوخلار جسمیمی دوتسا سراسر جبرئیل
.
.
ایستیرم حیران قویام افکاریمه انسانی من
ورطۀ ظلم و ستمدن قورتارام دنیانی من
عالمه تشریح ایدم معنای عاشورانی من
آدیمی خلق ایلسون دللرده ازبر جبرئیل
.
.
قوی ئولوم بو حالیله ، دنیاده قویسون خوش اثر
واژگون اولسون بساطِ فتنه ، تشکیلاتِ شر
ئولمسم تغییر تاپماز سِیر تاریخِ بشر
یر یوزوندن محو اولار شرعِ پیمبر جبرئیل
.
.
تا بوله نوعِ بشر ظلم و ستم حدّن آشور
محبسِ تاریکیده قیدِ مذلّتده یاشور
تاب ایدنمز جور و ظلمه کاسۀ صبری داشور
کربلا هنگامه سین ایتسون مکرّر جبرئیل
.
.
بو عوالم محشرِ کبرایه آیتدور یقین
کربلاده گورسنور آیاتِ یومِ واپسین
لرزیه گلمیش بو گون اجرامِ افلاک و زمین
خطّ سِیریندن چخوب خورشیدِ خاور جبرئیل
.
.
هیکلِ توحیدی گر چه توپراقا اعدا یخوب
روح ِقلب عالمی غم منجنیقی چوخ سیخوب
قالبِ بی روحم ایندی روح جسمیمدن چخوب
قتلگهده جان ویرنده اوغلوم اکبر جبرئیل
.
.
جبرئیلا سنده که وار بو محبّت و بو صفا
خیمه می غارت ایدنده ظلمیله اهلِ جفا
سایه سال تا اولماسون زینب جمالی برملا
اوندا کی قالماز باشندا تازه معجر جبرئیل
.
.
چوخ مقدّس دور بولورسن دلده بو نیّت منه
نیّتونده وار اگر گوسترماقا خدمت منه
نهرِ علقم سمتینه گیت قوی گلن منّت منه
گون قباقینده قالوب سردارِ لشکر جبرئیل
.
.
شاهبازِ عشقی گور توپراقه بی شهپر دوشوب
باش گیدوب مشگ اوخلانوبدور ، پیکری بی سر دوشوب
بیر طرفده پرچمی بیر سمتیده الّلر دوشوب
خاک و خون ایچره یاتوب شیرِ دلاور جبرئیل
.
.
بیرده گیت گور قوملار اوسته اوغلوم اکبر نعشینی
قطعه قطعه دوغرانان شبهِ پیمبر نعشینی
لیلی مجنون ایدن اول ماهِ منظر نعشینی
اکبرین گُل جسمینه اول سایه گستر جبرئیل
.
.
فخر ایدر ( مجنون) سپهرِ شعرده چوخ فجرینه
منده راضی اولمارام بوندان اضافه زجرینه
هر مرادی دلده وار ویرم بو شعرین اجرینه
قویمارام ذلّتده قالسون بیله نوکر جبرئیل
.
.
#حسینیه_شهادت
#جبرائیل_در_قتلگاه
#سالما_سایه_باشیم_اوسته_آچما_شهپر_جبرئیل
#ترکی
✍️ #زبدةالاشعار ✍️
🆔: @nohe_torki
نظر دهید