«ای شه مظلوم علی یا علی»
.
.
.
#سبک_ای_باشی_سرنیزده_معراج_ایدن
.
.
.
مصیبی تبریزی
.
.
.
سجده ده غم تیغین ائدن صیقلی
ای شه مظلوم علی یا علی
(( تا باشینی مرتضی
کوفه ده قویدی یئره
زینبه باش ساغلیقی
گلدی ملکلر وئره ))
.
.
.
کوفه ده تا یومدی گوزون مرتضا
سالدی قرا باشینه اهل عزا
نه فلکه دوشدی بو صوت رسا
ای شه مظلوم علی یا علی
.
.
.
صاحب عزاکیمدی؟خدای جلیل
مست می حزنی نبیّ نبیل
مرثیه خوان دور آقاما جبرئیل
ای شه مظلوم علی یا علی
.
.
.
نار فراقه یانوری قدسیان
کوفه نین ایتامی اولوب باغریقان
فاطمه جناتیده ایلور فغان
ای شه مظلوم علی یا علی
.
.
.
پیکر دین روح صفانی آتوب
ماه ولا برج شرفده باتوب
وای علی وای ناله سی عرشه چاتوب
ای شه مظلوم علی یا علی
.
.
.
کوفه ده کی دادگره حیف اولا
شمع طلوع سحره حیف اولا
تاليِ شَقُّ القَمره حیف اولا
ای شه مظلوم علی یا علی
.
.
.
عالم و آدم آقاما آغلوری
کوثر و زمزم آقاما آغلوری
خلد و جهنم آقاما آغلوری
ای شه مظلوم علی یا علی
.
.
.
حقّیله باطل آقاما آغلوری
خنجر قاتل آقاما آغلوری
زهر هلاهل آقاما آغلوری
ای شه مظلوم علی یا علی
.
.
.
بس کی آقام هجره ائدوردی شتاب
بولمه دی واردور یاراسیندا عذاب
گئتدی چاتا وصل حقه بوتراب
ای شه مظلوم علی یا علی
.
.
.
کِلک«مصیب» یازار آغلار یازار
نوحه یازار سینه نی داغلاریازار
اشک غمی گوزلره باغلاریازار
ای شه مظلوم علی یا علی
.
.
.
#حیدریه_شهادت #حیدریه
#سجده_ده_غم_تیغین_ائدن_صیقلی
#مصیبی_تبریزی
#ترکی
#زبدةالاشعار
نظر دهید