ضربت خوردن حضرت امیر المؤمنین علیه السلام
✍️ زبدة الاشعار ✍️
?: @nohe_torki
معزی اردبیلی
سجده ده فُزتُ و رب الکعبه حیدر سسلیوب
جبرئیل قان آغلیوب الله اکبر سسلیوب
جور و ظلمه باغلامیشدی زاده ملجم کمر
کوفه ده محرابیده تکرار اولوب شقّ القمر
آتمیش اوچ ئیلدن صورا نخل وفا ویردی ثمر
یاره لندی مرتضی محراب ومنبر سسلبوب
خط سیرینده سحر چاقینده چکدی آهی ماه
رؤیت ایتدی سجده گاهینده ولیّ اللهی ماه
قان ایچینده مغربه چاتمیش گوروبدور ماهی ماه
انخسافه دوشمیشم ماه منوّر سسلیوب
مه لقای برج عزّت فرقیدن گوردی شکست
یاره یاره خاطریدی یاره دن اولمیشدی مست
کوفه شهرینده یتیم قیزلار قالوب بی سرپرست
یا علی آج قالمشوق گل نچّه دختر سسلیوب
جبرئیلون وای علیاسی دوتوب دنیا یوزون
قان گوزلّندیردی فخر کعبه نون زیبا یوزون
ئوپدی پیغمبر ولیّ خالق یکتا یوزون
مرتضایه جان، رسول حیّ داور سسلیوب
ناطق قرآنی گورسون حضرت موسی گلوب
گوزلری پر نم دیار کوفیه عیسی گلوب
مریم و سارا گلوب، حّوا گلوب، حورا گلوب
یانمیشام احوالوه زهرای اطهر سسلیوب
#سبک_زینبم_جان_اوستیم (4 سبک سینه و زنجیر تک ضرب )
#حیدریه
#حیدریه_شهادت
#سجده_ده_فزت_و_رب_الکعبه_حیدر_سسلیوب
#معزی_اردبیلی
#ترکی
✍️ #زبدةالاشعار ✍️
?: @nohe_torki
نظر دهید