سرای فانیه کیم گلدی آخر اشگبار اولدی #پندیات_محمدتقی_میرزایی

عبرت نامه
.
✍️ #زبدةالاشعار ✍️
.
🆔: @nohe_torki
.
محمد تقی میرزایی
.
سرای فانیه کیم گلدی آخر اشگبار اولدی
بلادن قان اولوب قلبی ئولونجه دلفکاراولدی
.
تامل ایلسه انسان جهان عبرتدی سرتاسر
تغافل ایلین هاردا گوروبسن هوشیار اولدی
.
اگراقبال ایده بش گون آماندی اعتمادایتمه
مگر شاهان دنیایه وفاسی پایدار اولدی
.
فقیرومستمندین دوت الیندن ایتمه کوتاهی
اعانت ایلسون حتما رضا پروردگار اولدی
.
وارون گرزور و زر ایتمه بیرین تحقیرو استهزاء
سینارق لبی گوررسن کی نیون وار تار و مار اولدی
.
بودنیا جنت کافر، ولی زندان مومیندور
هاچان زندان گلوب زندانسیلن سازگاراولدی
.
گیدوب کیم قصرجمشیدین قالان آثارینی گورسه
بیلرجمشیدصاحب جم ئولوبدی خاکسار اولدی
.
عمل میدانیدور دنیا گرک انسان تلاش ایتسون
تلاشی اولمیان آیا جهاندا کامکار اولدی ؟
.
اگربهرام گوراولموش شکارگوریله مشهور
ولیکن بیرگونی گلدی ئوزی گوره شکاراولدی
.
قطارعمری میرزائی یوخ امکانی دایاندیرماق
جوانلیق قورتاریب پیری ئوزونده آشکار اولدی
.
.
#سرای_فانیه_کیم_گلدی_آخر_اشگبار_اولدی
#ترکی
.
.
✍️ #زبدةالاشعار ✍️
.
🆔: @nohe_torki