سرلشگرین گورنده شهنشاه نه قباب #عباسیه_سعدی_زمان

زبانحال امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
مرحوم سعدی زمان
.
سرلشگرین گورنده شهنشاه نه قباب
بو دللریله ایتدی علمدارینه خطاب
.
نجه بو حالیله گورسون سنی گوزوم قارداش
فدا بو قانه باتان پیکره اوزوم قارداش
.
ایشقلی گون کیمی قانیله صورتون دوتولوب
دونوبدی شامه بو صحراده گوندوزوم قارداش
.
باشون سنوبدی عمودیلهقان دولوب گوزیوه
گوروب بو حالتی قانیاش توکر گوزوم قارداش
.
آچانموسان گوزیوی یا حسینه ناز ایدوسن؟
یانیقلی قلبیمی یاندورما وار سوزوم قارداش
.
ووراندا ال بدنون برگ گل کیمی داغیلور
گوروب بو نوعیله جسمون نجه دوزوم قارداش؟
.
ایویم یخیلدی بلیم سیندی سن شهید اولدون
محالدور داخی بیرده گله یوزوم قارداش
.
نجه قویوم سنی بو یرده من خیامه گیدیم
چتیندی سن کیمی قارداشدان ال اوزوم قارداش
.
حرمسراده قیامتدی زینبیم باش آچوب
سنون فراقوه زینب ده یوخ دوزوم قارداش
.
دالونجا گلمه لیَم آزدی فاصله بو یولا
اجل یتوبدی دوشوب قوّه دن دیزیم قارداش
.
«حسینی» جدّون حسینون دلنجه یاز بیرده
نجه بو حالیله گورسون سنی گوزوم قارداش
.
#عباسیه_سعدی_زمان
#عباسیه_شهادت
#سرلشگرین_گورنده_شهنشاه_نه_قباب
#نجه_بو_حالیله_گورسون_سنی_گوزوم_قارداش
#چهارده_معصوم_حسینی ص 70
#ترکی
..
✍️ #زبدةالاشعار ✍️
.
🆔: @nohe_torki