سر منزل اولوب زینبه ویرانه الهی #زینبیه_شاجری_زنجانی

حضرت زینب سلام الله علیها در حال احتضار
.
✍️زبدة الاشعار✍️
.
🆔: @nohe_torki
.
#شاجری_زنجانی
.
سر منزل اولوب زینبه ویرانه الهی
ویرانه ده زینب یتشوب جانه الهی
.
.
کیم من کیمی عالمده رضا اولدی قضایه
بو کار قضا اوج ائلدی پایه به پایه
زهرا قیزیام صبر ائدرم هر نه بلایه
صبریم سالار اود هر دل سوزانه الهی
.
.
تبدیل فراق ایلدیلر روز وصالی
بو حالیدن عشق اهلی سراسر اولی حالی
قارداش باشینی یولدا سِنان اوسته یارالی
گورجک اورگیم دوندی منیم قانه الهی
.
.
گوردوم نه قدر کوفه لی لردن غم و ایذا
دردیم چوخ اولوب دردیمه اولموبدی مداوا
پیمان شکیباده قصور ائتمدیم اصلا
تکمیل ائلدیم عهدیمی جانانه الهی
.
.
تالانه وئروب عمرومی اول قوم شقاوت
از بسکه ائدوبلر من نالانه شماتت
یاندیردی منیم قلبیمی پیمان شکن امت
توش اولدی اورک درد فراوانه الهی
.
.
غم قافله سی کوچ ائلیوب شام خرابه
اندوه و غمیم قلبیده گلمزدی حسابه
فرمان وئریلوب گئتماقا تا بزم شرابه
بیر نطق ائلدیم اوردا دلیرانه الهی
.
.
گئتدی غرض الدن منیم هر جاه و جلالیم
پژمرده اولوب طُرفه گل باغ خیالیم
آرتوب گئجه گوندوز غم و اندوه و ملالیم
دونمش هرایشیم ناله و افغانه الهی
.
.
قلبیم آلیشوب شعله چکور کثرت غمدن
زلفیم آغاروب داله دونوب قدیم المدن
دویموب گینه ده معاویه نین اوغلی ستمدن
بزم غم اولوب منزل و کاشانه الهی
.
.
ویرانه نی چوخ سعی ایلیردیم اولا خلوت
کامیمجه سنه تا ائلیم اوردا عبادت
ظلّام ستم پیشه منه وئرمدی فرصت
نالم اوجالوب عرشه غریبانه الهی
.
.
دنیا بویی زینب غمینه آغلاسام آزدی
گوزیاشینی هردم یوزومه باغلاسام آزدی
عالم جگرین«شاجریم»داغلاسام آزدی
عمروم بو غم اوسته یته پایانه الهی
.
.
.
.
#سبک_ای_باد_صبا … 7 سبک
.
.
#زینبیه_شهادت
#سر_منزل_اولوب_زینبه_ویرانه_الهی
#ترکی
.
✍️ #زبدةالاشعار ✍️
.
🆔: @nohe_torki