سسلرم عشقیله هردم ایوین آباد حسین #حسینیه_ساعد_زنجانی

ایوین آباد حسین…
.
✍️ زبدة الاشعار ✍️
.
🆔: @nohe_torki
.
مرتضی اسکندری ( #ساعد_زنجانی )
.
سسلرم عشقیله هردم ایوین آباد حسین
شرف عالم و آدم ایوین آباد حسین
.
سنون عشقونله خدا نه فلکی خلق ایلیوب
لنگر عرش معظَّم ایوین آباد حسین
.
نه فقط اهل زمین بلکه سماواتیده ده
وورولوب آدیوه پرچم ایوین آباد حسین
.
واریقینیم دولانورچرخ نگاهونله سنون
چرخش چرخ منظم ایوین آباد حسین
.
کیپریگون قالخوب اننده دولانور لیل و نهار
کهکشانلاردا مسلَّم ایوین آباد حسین
.
عالمی کلک خیالیم ایله دی زیر و زبر
سسلنوردی هامی عالم ایوین آباد حسین
.
قولاق آسدیم فلکون ثابت و سیاره سینه
ذکر ایدوردی هامی باهم ایوین آباد حسین
.
گذریم دوشدی گلستانه نه گوردوم که دیور
سوسن و سنبل و مریم ایوین آباد حسین
.
نه فقط شیعه لرون بلکه مسیحی لرده
چاغیرار ماه محرم ایوین آباد حسین
.
یردن آرتوق ملکوت اهلی سنه عاشقدور
ای مسحایه ویرن دم ایوین آباد حسین
.
نوحی گرداب بلادن سنون عشقون قوتاروب
اولدی مست مَیِ زمزم ایوین آباد حسین
.
من سنون تربتیوی دردیمه دارو بیلورم
درد بیچاریه مرهم ایوین آباد حسین
.
هر نمازیمده سنون غربتیوی یاد ایدرم
أَیری اولسامدا دوزلَّم ایوین آباد حسین
.
کیم دیور ذات خداوندی گورنمز گوزلر
سن سن اللهِ مجسَّم ایوین آباد حسین
.
رو سیاهم ولی سندن صورا یوخ داد رسیم
ای پناه همه عالم ایوین آباد حسین
.
جان ویرن لحظه اجل ویرسه اجازه دیرم
نوه ی حضرت خاتم ایوین آباد حسین
.
.
#ورود_محرم
#حسینیه_مدح
#سسلرم_عشقیله_هر_دم_ایوین_آباد_حسین
#ترکی
.
✍️ #زبدةالاشعار ✍️
.
🆔: @nohe_torki