زبدةالاشعار

سس سالیب کون مکانه پیک خلّاق جلی #حیدریه_نادری

در ضربت خوردن حضرت امیرالمومنین علیه السلام
#گریز به وقایع عاشورا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم نادری میانجی
.
سس سالیب کون مکانه پیک خلّاق جلی
کوفه ده ضربتلنیب باشدان نماز اوسته علی
.
.
جبرئیلین صوتی سالمیش عرش و فرش ایچره طنین
دین ائوی ویران اولوب، «قُتِل الاَمیرالمومنین»
غش ائدیب صوتی ائشیدجک، آغلاییب امّ‌البنین
قانینه غلطان اولوب، محرابیده میر حنین
مجتبیٰ آواره قالدی، داغدار اولدو حسین
.
.
کوفه شهرینده قیلیجلاندی «علی‌المرتضیٰ»
یثرب ایچره قبریده ناراحت اولدی مصطفیٰ
کعبه فریاد ایلدی یاسه باتیب مروه صفا
حالینه عرش اوسته صف چکمیش ملکلر آغلادی
جنّته قاره چکیبلر حوض و کوثر آغلادی
.
.
نطقدن دوشدی خدایا، ناطق قرآنیمیز
قانینه غرق اولدی آخر، مظهر ایمانیمیز
ئولدی بیر نامرد الینده، گور شه مردانیمیز
صف پوزان «خیبر» یخان مولانی بیر فرد ئولدوروب
راد مردی بیر نفر ملعون و نامرد ئولدوروب
.
.
بیلمیرم بو نه تشابُهدور وئریر تاریخ نشان
ملجمین اوغلی قیلیجلان، حرمله تیر و کمان
بو نماز اوسته ولی اصغر سو اوسته وئردی جان
گر دوشدوبدور ناطق قرآن بو یئرده نطقد‌ن
اوخلانیب اوردا علی آدلی سو اوسته حلقد‌ن
.
.
پارچالانمازدی اگر باشدان بو یئرده بو تُراب
شامیان قدر‌ت تاپیب بیچاره اولمازدی «رباب»
اینجیده بیلمزدی هرگز زینبی بند و طناب
اولماسیدی گر علی مسجدّده شمشیره هد‌ف
کربلاده اصغر اولمازدی یقین تیره هد‌ف
.
.
گتدیلر مولانی بوردا فرش ایچینده منزله
آز قالاندا منزله شیر خدا گلدی دیله:
زینبیم قورخار اگر ایندی منی گورسه بئله
کاش اولیدون کربلا دشتینده ای میر حنین
اکبرین گتدی عباده خیمیه یالقوز حسین
.
.
بیر علی آدلین سالیبدیر توپراغا قوم شیَم
آه و واویلا دوشوب، شور قیامتدیر خیَم
قتلگاهه گوز تیکیب یول گوزلوری اهل حرم
عرض ائدیر تشنه رقیّه: کوسموسن مندن علی؟
گل باجون قربان داخی سو ایستمم سند‌ن علی
.
.
گوردیلر آلمیش قوجاغینه اوغول نعشین آتا
باش آخیبدیر بیریانا، شمشیر و قلخان بیریانا
نوجوان اوغلون بو حالتده گوره، نیلر آنا
قطره قطره هی دامیر، کاکل اوجوندا‌ن قان یئره
خیمه ده قویدی عباده اکبرین سلطان یئره
.
.
طبل پیروزی چالیر، میداندا جلادان شام
آغلییر گوگده ملک‌لر، ماتمه باتمیش خیام
ای بالا نازی چکنلر نیلسین یالقوز امام
آلدیلار اطراف نعشی قلبلر دینجلمدی
چون هامی گلدی او یاسه، بیرجه لیلا گلمدی
.
.
بوردا سردار عزا زینبدی ای میر حنین
اوردادا زینب سالار کرب و بلایه شور و شین
گه علی سسلر، گهی اصغر، گهی قارداش حسین
قاره اوستن قاره سالماق زینبه عادت اولار
قیزلارین سوز عط‌شد‌ن یا علی رنگی سولار
.
.
بوردا گر فرشین ایچینده منزله حیدر گلر
اوردادا نعشی عباده خیمیه اکبر گلر
یا قوجاغینده حسینین اوخلانار اصغر گلر
زینبه برپا اولار اوندا قیامت یا علی
نهر علقمده یاتار اوغلون خجالت یا علی
.
.
زینبه اوندا حمایت قیل باتار درد و غمه
تشنه عبّاسون دوشر قولسوز کنار علقمه
گه باخار سو مشکینه گه قانه باتمیش پرچمه
سسلنر عبّاس گل امداده ای نور دوعین
یخدیلار سرداریوی آتدان یره قولسوز حسین
.
.
«نادری» مولانی دفن ائتدی حسینیله حسن
قویدولار تابوته اوغلانلار ائدیب غسل و کفن
قالمادی اوچ گون قوم اوستونده یارالی گول بد‌ن
داد او گون تشنه حسینه کوفیان ال تاپدیلار
بیر یارالی نعشین اوسته تازه ‌د‌ن آت چاپدیلار
.
.
.
#حیدریه_شهادت
#حسینیه_شهادت
#عباسیه_شهادت
#اکبریه_شهادت
#سس_سالیب_کون_مکانه_پیک_خلاق_جلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مژده ای دل که دوباره رمضان می آید #رمضانیه_محمد_هوشمند

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی