حالات حضرت موسی بن جعفر(ع)
.
✍️ #زبدةالاشعار ✍️
.
🆔: @nohe_torki
.
مرحوم غمکش
.
سفیانیان جور و جفا بنیادین ایجاد ایلدی
عبّاسیان طغیانینی آرتوردی بنیاد ایلدی
دوشدی ریاست فکرینه هارون ظالم بی حیا
دنیاده بو بیدادگر گور چوخلی بیداد ایلدی
.
.
قرآنه ظاهرده عمل ائتدی فسادین معدنی
ووردی ریادن دم او دم اسلام و دینون دشمنی
اود دوتدی یا رب شاهد اول عالمده مولا گلشنی
موسای کاظم تک قالوب یاندی فلکلر حالینه
رخنه یتیشدی دهریده گوندن ایشق اجلالینه
.
.
آچدی خلافت جادّه سین ظالم ضلالت اهلینه
اولدی صراط المستقیم مسدود هدایت اهلینه
ظلم ائتدی هارون دغا صدق و صداقت اهلینه
دوردی مقابل مرقد ختم رسوله اول دنی
عذر ایستورم معذور دوت بو باره ده سؤلور منی
.
.
موسی بن جعفر امّتی ایلور جری یا مصطفی
قالسا ریاست ملکونی ایلر یقیناً برملا
بو سلطنتدن ملّتی ایلور یقین دیندن جدا
لازمدی درگاهی بونون عفو ایله ایندی باغلانا
آسوده من فرمان وئرم اکبادی غمدن داغلانا
.
.
القصّه مسجدن همان بد فکریله اولدی کنار
امر ائتدی تبعید ایلسون موسانی چون بی اختیار
بغداده قول باغلی اونی چکدی او ظالم آشکار
زندانه سالدی حضرتی اهل سماوات آغلادی
اوغلی رضانین قلبینی یاندیردی غملن داغلادی
.
.
گوندردی سمت بصریه مردم خبردار اولماسین
پیچیده اولسون فکرینه بیر کیمسه هوشیار اولماسین
غفلتده یاتسون دیده لر معناده بیدار اولماسین
یا رب نلر ائتدی بشر ظلم ایلیه تدبیریله
باب الحوائج قولاّری باغلاندی بیر زنجیریله
.
.
صیّاد دونه باز ایدوب چرخ فلک فرصت یولون
حق سویلین دل باغلانا بنده سالوب مولا قولون
سسلندی ای قوشلار منیم احوالیمه شاهد اولون
زندان به زندان گزدیرور هارون بی غیرت منی
یادّان چیخاردوبدور نئجه بو تئزلیگه امّت منی
.
.
دلدن آلوب آرامیمی یا ربّ بو غملی ماجرا
یثربده معصومه بالام گوندوز گئجه ایلور نوا
ذکر لبیمدی یا علی یا پادشاه کربلا
«غمکش» غمی دیلده نهان قالسون خداوندا گرک
ایستر همیشه شاهد اول موسی بن جعفردن کمک
.
.
#کاظمیه_شهادت
#سفیانیان_جور_و_جفا_بنیادین_ایجاد_ایلدی
#غمکش
#یادگار_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید