حالات حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
سلام اولا یوزی وجه الحسن ابوالفضله
سلام اولا قولون حیدر ئوپن ابوالفضله
.
سلام اولا شرف حیران قالان شرافتینه
شریف شخصه آدی سر سخن ابوالفضله
.
سلام اولا آقاسیندان آلان نشان وفا
اولان وفاده مه انجمن ابوالفضله
.
سلام اولا هامی قولدان قولی اوجا اولانا
الینده پرچم قرآن اسن ابوالفضله
.
دیمه غریبیدور عبّاس ملک ایراندا
تمام شهریدی والله وطن ابوالفضله
.
مطهّر آدی اولوبدور علملره زینت
دیر دخیلووم هر مرد و زن ابوالفضله
.
اؤپوبدی پرچمین حتّى امین وحی خدا
سازون عریضوزی دوز صود أمن ابوالفضله
.
قاپوسینی یوزوزه باغلاماز کریم آقادی
ویرون سلاموزی داده گلن ابوالفضله
.
مریضون اولماسا درمانی گر طبیبنده
دیسون قولی بدنیندن دوشن ابوالفضله
.
نه قول امارت دینه ستون اولوب محکم
لقب گلوبدی قولوندان گچن ابوالفضله
.
نشان باب الحوائج ویروبدی سینه سینه
عطاسین ایتدی حق ذوالمنن ابوالفضله
.
نه قول، دوشنده حسینون پرینی سیندیردی
مناده آغلادی قان صف شکن ابوالفضله
.
دیدی الهی بلیم سندی باشی اوستونده
گوزوم دوشنده منیم غفلتاً ابوالفضله
.
آغیر عموده آچیق باشینی ایدوبلر هدف
باخوم نه نوعیله سرو و چمن ابوالفضله
.
گوزونه اوخ ورولوب گوزلری چیخا ویرانون
توکر سرشک عزا پنج تن ابوالفضله
.
اوره گیمی گتوروب درده آلنونون یاراسی
گر آغلاسام نقدر آزدی من ابوالفضله
.
یارالی پیکری شاهین بی پره بنذر
ویروبدیلار یارا قولسوز گزن ابوالفضله
.
حسینی قویمیاسان تک یامان گونی اولسا
دیوب مدینه ده دل اورگدن ابوالفضله
.
قسم بتوله اباالفضلیدن رضایم من
سوزومی ایلورم الله علن ابوالفضله
.
دوشنده تپراقا زهرا آنام قوجاقه آلوب
دانشدیراندا ویروب یوز محن ابوالفضله
.
بلوب یارالیدی پھلوسی آغلیوب آناما
اولوبدی مقتلی بیت الحزن ابوالفضله
.
.
#عباسیه_معزی_اردبیلی
#عباسیه_شهادت
#سلام_اولا_یوزی_وجه_الحسن_ابوالفضله
#ترکی
.
✍️ #زبدةالاشعار ✍️
.
🆔: @nohe_torki
نظر دهید