شهادت حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
رجبعلی محمدی ( #زاهد_زنجانی )
.
.
سناندا بیر آغاجین شاخه سی گوله دولماز
گولی ده اولسا سولار سولسا میوه سی اولماز
.
قاپی دالیندا قالوب سیندی شاخۀ طوبا
او شاخه نون گولی یاپراقلاری سولار سولماز
.
بش آیلوق اولماموشیدی بالاسی زهرانون
اولوندی سقط اوجالدی نواسی زهرانون
.
او ال سینیدی که سیندیردی بو گُلون بوداغین
پوزولدی غنچه ی گل دلرباسی زهرانون
.
نه گوردی آغلاماقین ، گولماقین ، ایمکلماقین
نه قویدی دهره قدم مه لقاسی زهرانون
.
ائدردی جان و دلیله مواظبت شب و روز
شریکیدی غمینه مرتضاسی زهرانون
.
آغیر امانتیدی فاطمه پیمبردن
ائدردی سعی اله گلسون رضاسی زهرانون
.
او وقته دین بدنی صدمه گورمه میشدی اونون
یوخیدی سینه ده قولدا یاراسی زهرانون
.
قاپی سیناندا یارالاندی ، گل کیمی سینه
اوجالدی گوگلره آه و نواسی زهرانون
.
یخلدی پشت دره غش ائدوب گئدیب هوشه
کسیلدی طاقتی گئتدی قواسی زهرانون
.
او حالیله گینه سسلنمدی علینی خانم
جهانی حیرته سالدی حیاسی زهرانون
.
حزین صدائیله سسلوب هرایه گل فضّه
یامان گونومدی گل ای آشناسی زهرانون
.
عم اوغلوما دئگیلن فاطمه گئدیر الدن
اوزون یتورمنه، وار التماسی زهرانون
.
دوشوب نه حالته زهرا فقط خدا بیلوری
چتین بیانه گله ماجراسی زهرانون
.
علی یتیشدی نجه گوردی گورمه سون گوزلر
شرر وجوده سالار ابتلاسی زهرانون
.
« عباسینی گوتوروب فورا اوستونه سالدی »
گورونمسون گوزه گون تک ضیاسی زهرانون
.
« ال آتدی دوتدی او دم ثانی نون گریبانین »
دئدی سوزون ندور ای اشقیاسی زهرانون
.
وصیّت ایلمسیدی رسول عالمیان
قولومی باغلاماسیدی آتاسی زهرانون:
.
سیزه ضعیف و قوینی بیلیندیردیم من
بئله معیّن اولوب اقتضاسی زهرانون
.
ائشیتدی بو سوزی سسلندی باغلیون قولونی
آچانماز ال ، داخی مشگل گشاسی زهرانون
.
ابو ترابه داخی لافتی دیولمیه جاق
داخی قلج چکمه بیلمز آقاسی زهرانون
.
چتین یره یتشوب سوز، دایان داخی « زاهد »
آتام ، آنام ، اوزوم اولّام فداسی زهرانون
.
قوجالموسان ، گورورم یوخدی طبعیوین اثری
گوروم سنه نظر ائتسون خداسی زهرانون
.
.
#فاطمیه_شهادت
#سناندا_بیر_آغاجین_شاخه_سی_گوله_دولماز
#ترکی
.
✍️ #زبدةالاشعار ✍️
.
🆔: @nohe_torki
نظر دهید