زبدةالاشعار

سندن صورا یوخ دادرسیم بیر کس الهی #کاظمیه_حافظی_تبریزی

شهادت امام موسی ابن جعفر (ع)

.
✍️ #زبدةالاشعار ✍️
.
🆔: @nohe_torki
.
مرحوم حافظی
.
سندن صورا یوخ دادرسیم بیر کس الهی
آخر گتوروب جانه منی محبس الهی
.
.
ایلوب منی مدتدی غم و غصه گلوگیر
یوخ بیر دل ایده آتش آهیم اونا تأثیر
هم صحبت اولوب شام و سحر کنده و زنجیر
دائم سسیمه بوردا ویروبلر سس الهی
.
.
نه رحم نگهبانلاریم ایلر نه ملازم
آگاه ایده هارونی که وار سوز و گدازیم
ناخوش اولانا قید ندور کُنده نه لازم
رحمه گله بلکه ایده ظلمین بس الهی
.
.
دوندوقجه گجم صبحه غم و محنتیم آرتار
گوزده گونوزومده گجه مین مثلی اولار تار
رحم ایت منی ده یوسف و یونس کیمی قورتار
یوز بو در و دیوارین اوزیندن کس الهی
.
.
واردور هله هارون ایلین ظلمه ادامه
ئولدورمسه یتمز من مظلومی مرامه
سالسا بو قدر وار که حرم مرغینی دامه
گورمز بو قدر ظلمی روا کرکس الهی
.
.
جانه گتوروب صبر یولون ظلم الى باغلار
هر گون غم اودی قلبیمی مین نوعیله داغلار
من آغلارام احوالیمه دیوار و در آغلار
یاتماز گجه ناله مدن اودور عس عس الهی
.
.
نه یانیمه بیر کس گلنیم نه گیدنیم وار
آگه سن اوزون دلده نه اندازه غمیم وار
نه قیز نه باجی وار نه آنا نه حرمیم وار
اظهار کیمه دردیمی ایلوم بس الهی
.
.
یوخ حاجتی شرح ایتماقا آگه سن اوزون سن
دوشسه الینه دشمننی اینجیدی دشمن
اما نه بو اندازه، امان سندین الیندن
ناکس اولی دشمن نه بیله ناکس الهی
.
.
سوز یوخ دیمشم صبر ایدرم جور قضایه
بیجا دگی آهیم اوجالور لیک فضایه
علت نه اولوب بیر بیله تأخیر رضایه
گلمور نیه اوُل سرو قد نورس الهی
.
.
اولسام نه قدر دلده رضا وصلینه مایل
جدّیم مین ایله اوغلونا ایلردی تمایل
آیا نجه دوزدی گوروب اوُل ماه شمایل
اطرافین آلوب گل کیمی خار و خس الهی
.
.
بیر باخدی اوغول نعشنه بیر اهل جفایه
جسمنده قاتوبلار یارانی گوردی یارایه
مصحفدی بعینه یازیلوب آیه به آیه
باشدان ایاقا تیغیله پیش و پس الهی
.
.
سسلندی على طاقتیمی ایلدیلر طاق
ایتدی ئولومه مرگ شبابون منی مشتاق
سندن صورا دنیانون اوغول باشینه تپراق
عمری کم و کوتاه اولا بیش و بس الهی
.
.
شه بایرام آیی اولسا گدایه نظر ایلر
نوکردی سنه «حافظی» ای خالق داور
بایراملیقنا قسمتی اولسون بو ایل ایستر
مشهدده اولان بارگه اقدس الهی
.
.
#کاظمیه_حافظی_تبریزی
#کاظمیه_شهادت
#سندن_صورا_یوخ_دادرسیم_بیر_کس_الهی
#ترکی

متن پیشنهادی:  تا چراغ حضرت زهرانی خاموش ائتدیلر #حسینیه_بیضا_اردبیلی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی