سنه بیر کیمسه اگر ائتسه جسارت وطنیم #وطن #علی_شهودی

وطن
.
✍️ #زبدةالاشعار ✍️
.
🆔: @nohe_torki
.
علی شهودی
.
سنه بیر کیمسه اگر ائتسه جسارت وطنیم
قوپار آند اولسون او آللاهه قیامت وطنیم
.
چپ باخانماز سنه بیر کیمسه یقین بیل باخانین
چیخادار گوزلرینی پنجه غیرت وطنیم
.
گئیمرم اگنیمه ذلت گییمین یوخ یوخ یوخ
بیچیلیب قامتیمه رخت شهادت وطنیم
.
گنج قارونادا صاحب اولا هئچ ارزشی یوخ
سنه بیر کیمسه اگر وئرمسه قیمت وطنیم
.
باغلاسا ملتیمیز دامن همت بئلینه
چکمریک اجنبی لردن داها منت وطنیم
.
پارلاییر گون کیمی گونده ن گونه شان و شرفین
اوفوقوندن کوچور آی دان آیا ظلمت وطنیم
.
قویماریق چات گوتوره اولکه ده بیرلیگ دووارین
چون کی بیر لیگدی یارالدان بیزه شوکت وطنیم
.
سنی الله یارادیب ذلته باش اگمییه سن
یاراشیر دهرده الحق سنه عزت وطنیم
.
بیزه بو (ایسم) لریلن سالابیلمزله نفاق
من اوزوم ترکم و ایراندی صد البت وطنیم
.
فارس و کرد و لر و گیلکی و ترک و عرب
بوتون اولاده اولوب خیمۀ وحدت وطنیم
.
بسلرم عشقینی سینمده قیزیل غنچه کیمی
ائدرم جان و دیلیلن سنه خدمت وطنیم
.
#وطن #علی_شهودی
#حماسی
#سنه_بیر_کیمسه_اگر_ائتسه_جسارت_وطنیم
#ترکی
.
✍️ #زبدةالاشعار ✍️
.
🆔: @nohe_torki