زبدةالاشعار

سنه شایسته دور چوخ ناز قارداش لیک آز ایله #اربعین_سهیلی_تبریزی

اربعین
.
✍️ #زبدةالاشعار ✍️
.
🆔: @nohe_torki
.
مرحوم سهیلی تبریزی (1)
.
سنه شایسته دور چوخ ناز قارداش لیک آز ایله
گلوب بیکس عیالین شامیدن دور پیشواز ایله
.
.
حسین بیر اربعین چکدی باجون گر چه ریاضتلر
ولیکن بو ریاضتدن تاپوب یاخشی سعادتلر
منه بو وصلیدن هجرین ویروب هر گون بشارتلر
گوز آچ گور بیر نه عالمدور داخی آز خواب ناز ایله
.
.
یتوشدوم مقصد دلداره من گلدی اله مقصود
حریم وصلیوه قویدوم قدم اولدی گوگل خوشنود
نه یاخشی دمدی بو دم نه یاخشی ساعت مسعود
شها درویشوم قیل بیر کرم لطف ایت نیاز ایله
.
.
ایدوبدور بو چولی نور وصالین وادی سینا
دلیمده کلمۀ ارنی اولور جاری کلیم آسا
بویورما لن ترانی ای جمال الله بی همتا
گوتور باش قبریدن قارداش باجیوی سرفراز ایله
.
.
هزاران شکر یتدیم عاقبت بو وادی طوره
باخاندا محو اولور دل قبریدن ساطع اولان نوره
گلور گوگلوم اودور موسی کیمی هر دم منیم شوره
نولور لطف ایت باجونلا سنده بیر راز و نیاز ایله
.
.
یته هر غم منه سندن بو جانه نوشدور خوشدور
حسین هر غمله بیر دنیا باجون دنیاده دلخوشدور
اودور پیمانۀ غمدن برادر بیله سرخوشدور
دلین قربانیم دیللن منی بیر دلنواز ایله
.
.
سوروش بیکس باجون حالین گلوب غربت ولایتدن
دیمم نه گونلره دوشدوم بلای درد غربتدن
ولی قارداش امان ظلم یزید بی مروتدن
حقیقتده اوزون بیر سیر بو اهل مجاز ایله
.
.
غرور و کبریله اگلشدی تخت اوسته او بد فرجام
قباقدا تختۀ شطرنج الینده بادۀ گلفام
باخوب هر دم یارالی باشیوه باشه چکردی جام
دیردی ساقیا می ویر مُغنّی، نغمه ساز ایله
.
.
ویروبدورعقل و هوشین نشئۀ باده او دم باده
سالوب بدر و حنین انتقامین اُول زمان یاده
ایدوب بیر ظلم آل اللهی یکسر گتدی فریاده
دلیم دوتمور دیم من سن اوزون بیر کشف راز ایله
.
.
ایدیم من نه یوزیله بیرده من عزم وطن قارداش
ویروم بو حالی صغرایه خبر ننوعی من قارداش
منی یا آل کنار قبریوه حفظ ایله سن قارداش
و یا اینکه منیله دور اوزون عزم حجاز ایله
.
.
«سهیلی» روز و شب ایتمه تغافل نوحه قیل تحریر
یقیناً عفو ایدللر اوزلری گر باش ویره تقصیر
ایدر سوز دل زینب بو گونده عالمه تاثیر
نوایه سنده گل بیر ناله ی سوز و گداز ایله
.
(1) مرحوم سهیلی ده روز بعد از شهادت شهید ثقة الاسلام، توسط روسها در بیست و پنج سالگی بدار آویخته شد(روحش شاد) – نقل از جلد 19 گنجینه گذشتگان ( مجموعه اشعار مرحوم سهیلی تبریزی توسط استاد #زادصادق در جلد 19 گنجینه گذشتگان جمع آوری و منتشر شده است)
.
#اربعین_سهیلی_تبریزی
#سنه_شایسته_دور_چوخ_ناز_قارداش_لیک_آز_ایله
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  اوندا که مسموم اولوب موسی ابن جعفر زهریله #کاظمیه_کهنمویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی