زبدةالاشعار

سنه هدیه دی مندن ایکی اوغلوم حسین جان #سیدبشیرحسینی

طفلان زینب (ع)
.
✍️ زبدة الاشعار ✍️

?: @nohe_torki
.
سید بشیر حسینی میانجی
.
سنه هدیه دی مندن ایکی اوغلوم حسین جان
بیری اکبره قربان، بیری اصغره قربان
حسین جانم حسین جان (2)
.

دلِ زینبه بیر باخ، دوشوب سوز و گدازه
قسم وئرّه م اؤرکدن سنی شاه حجازه
تلطّف ائله قارداش! بولاره وئر اجازه
بو عون و بو محمد، بو ایثار و بو میدان
بیری اکبره قربان، بیری اصغره قربان
حسین جانم حسین جان (2)
.

علی اکبر ئولندن دونوبدور قانا قلبیم
غم و محنت اودوندا گره ک دیر یانا قلبیم
اوغول داغی چکم تا یانیب اودلانا قلبیم
گره ک دیر اولا قربان ره عشقه بو طفلان
بیری اکبره قربان، بیری اصغره قربان
حسین جانم حسین جان (2)
.

متن پیشنهادی:  باز از چه قلب عالمیان جمله پُر غم است #ورود_محرم_میرزاشفیع_شوقی

حسین! سن سن ازلدن منیم روح و روانیم
فدا جانیوه اولسون بوگون غصّه لی جانیم
یولوندا آخا ای کاش منیم ده یئره قانیم
دیء آمین بو دعایه قبول ایلیه سبحان
بیری اکبره قربان، بیری اصغره قربان
حسین جانم حسین جان (2)
.

باجی قارداشا قربان روادی اولا ای کاش
باجون زینبه بیر باخ دئمور وئر منه پاداش
دیور سال یولا گئتسین جهاده ایکی قارداش
بولار هر بیری بلکه اولا قانینه غلطان
بیری اکبره قربان، بیری اصغره قربان
حسین جانم حسین جان (2)
.

متن پیشنهادی:  ای تاج سر عالم امکان آقا تئز گل #مهدیه_محمد_هوشمند

سؤزیمی یئره سالما گلِ یاسیمه خاطر
هم اکبر همی اصغر، هم عبّاسیمه خاطر
بو طفلانه عزیزیم جوان قاسیمه خاطر
اوزون اللریویله گییندیر کفن الان
بیری اکبره قربان، بیری اصغره قربان
حسین جانم حسین جان (2)
.

ملولم منه خوشدی دئییم بیله بو چولده
گوزوم یاشی سزادی دؤنه سیله بو چولده
منیم عرضیمی لطف ائت قبول ایله بو چولده
بولار باتماسا قانه اولار عشقیمه نقصان
بیری اکبره قربان، بیری اصغره قربان
حسین جانم حسین جان (2)
.

متن پیشنهادی:  گیدوب او بزمه او شه آفتاب خاور تک #مجلس_ولید #دخیل

بولاره گوره قارداش قرا باغلامارام من
دئمم وای ایکی اوغلوم اؤره ک داغلامارام من
باخوب نعش لرینه یقین آغلامارام من
سنه آغلیارام تک نقدری اولا امکان
بیری اکبره قربان، بیری اصغره قربان
حسین جانم حسین جان (2)
.

#سبک_علی_جان_بالا_لبیک
.

#طفلان_زینب
#سنه_هدیه_دی_مندن_ایکی_اوغلوم_حسین_جان
#سیدبشیرحسینی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی