حالات حضرت علی (ع)
.
✍️ #زبدةالاشعار ✍️
.
🆔: @nohe_torki
.
ذاکری هشترودی
.
سن شیر یزدانسان على سن روح قرآنسان على
سن آسمان عزته مهر درخشانسان على
.
.
صلح و صفاسن یاعلی مهر و وفاسن یاعلی
نور و ضیاسن یاعلی درده دواسن یاعلی
مشگل گشاسن یاعلی شاه ولاسن یاعلی
آخ نه دیوم شأنونده من پیغمبره جانسان على
.
.
معراجه پیغمبر گئدوب عرض ائتدی ای رب جلی
قلب شریفینده دئدی ای کاش اولا بوردا على
میل ایلین وقته غذا گوردی سخالی بیر الى
احسن بویوردی مرحبا سن دست سبحانسان على
.
.
معراجیدن گلدی یره وارد اولوبدور منزله
امر ایلدی تئز سسلیون حیدر عم اوغلومدا گله
بلبل نجه عاشق اولار گلشنده بیر زیبا گله
بس هارداسان فوراً دئدی سن جان جانانسان على
.
.
عرض ایلدى یثربده یم قربان اولوم طاها سنه
صادق سن امر ائتدی نبی دوز سؤزدی یا حیدر منه
چوخ چوخ تعجب ایلیوب مولایه بیر باخدی گینه
آز قالموشام شک ایلیم مافوق انسانسان على
.
.
وار بیر سؤالیم یاعلی حیرتده والله قالموشام
دینه گوره چوخ زحمته آخر سنی من سالموشام
بو نیته جبریلیدن بیر سیب زیبا آلموشام
مثل اینکه سن مندن قاباق اللهه مهمانسان على
.
.
نصفین یدیم فورا دئدیم نصفین آپارّام حیدره
فوراً علیده نصفینی تقدیم ائدوب پیغمبره
سالدی نبینی حیرته باخ گور نجه بو منظره
گوگلرده سن یرلرده سن سن هاردا پنهانسان على
.
.
سن مکه ده قویدون قدم دنیایه ای صف سیندیران
سنسن جهاندا لشگر کفرى على یكسر قیران
ای ذوالفقاریلن بوتون ظالملرین بوینون ویران
اسلامی زنده ساخلادون سن شیر یزدانسان على
.
.
ای ناطق قرآن على قرآنه پشتیبان على
ای یار مظلومان على عالم سنه قربان على
مشگل گشاسن هر زمان ای دردلره درمان على
قرآن سنون سینونده دی سن اصل قرآنسان على
.
.
سن اولماسیدون یکسره گوگلر سولاردی یاعلی
سن اولماسیدون دین ائوی ویران اولاردی یاعلی
ظلمیله دنیانون یوزی یکسر دولاردی یاعلی
اسلامه وئردون پرورش سن باغبانسان یاعلی
.
.
اعدا ریاست عشقینه مولاسینی اینجیتدیلر
بوبكرى تأیید ائتدیلر امّا سنی ترک ائتدیلر
وای اونلارین احوالینه شیطان یولوندان گئتدیلر
مظلوم اولوبسان دهریده مظلوم دورانسان على
.
.
زهرانی مولا دوگدولر سن دینه خاطر دینمدون
دینی نظرده ساخلادون آئینه خاطر دینمدون
قرآنه حرمت ایلدون یاسینه خاطر دینمدون
زهرایه خاطر ایندیده حتما پریشانسان على
.
.
قلبونده زهرانون غمی دنیانی سن ائتدون رها
ذاکر دوشنده مشگله مولا سنی ایلر صدا
من بیر گدای عاجزم سنسن آقا مشگل گشا
یوخدور پناهیم نیلیوم سن شاه شاهانسان على
.
.
دنیاده گوردون هر بلا طاهایه خاطر یاعلی
یاز بیر برات کربلا زهرایه خاطر یاعلی
باشی یارالی زینب کبرایه خاطر یاعلی
هر یرده آدون گلسه سن اوردا نمایانسان على
.
.
#حیدریه_ذاکری_هشترودی
#حیدریه_مدح #معراجیه
#سن_شیر_یزدانسان_على_سن_روح_قرآنسان_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید