مدح حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
کریمی مراغه ای
.
سن عالمه محورسن یافاطمة الزهرا
محبوبه ی داورسن یا فاطمة الزهرا
دلبند پیمبرسن یا فاطمة الزهرا
پیغمبره مادرسن یا فاطمه الزهرا
صدیقه ٔ اطهرسن یافاطمة الزهرا
.
.
قیز دولدورا دنیانی هرگز سنه تای گلمز
رخساریوی گوسترسن گون گیزلنر آی گلمز
زهرا تئز آچوب سولدی بو عالمه دای گلمز
عصمتده شرافتده سندنده سوای گلمز
سن معنی کوثرسن یافاطمة الزهرا
.
.
سن مُهر نبوتسن سن مهر ولایتسن
سن امّ امامتسن کانون سعادتسن
خاتون قیامتسن هم شافع امتسن
دارای رسالتسن سن سایهٔ رحمتسن
حاجرلره حاجرسن یافاطمة الزهرا
.
.
بانوی حرم زهرا دریای کرم زهرا
طاووس ارم زهرا فانوس خیم زهرا
امّید امم زهرا آماج ستم زهرا
مأنوس الم زهرا مستغرق غم زهرا
گنجینه ی گوهرسن یافاطمة الزهرا
.
.
نه حاجر و حوّاسن نه مریم ساراسن
نه مادر یحیاسن نه مثل صفوراسن
انسیه ی حوراسن هم امّ ابیهاسن
معشوقهٔ مولاسن هم زهرهٔ زهراسن
نیلوفر پرپرسن یافاطمة الزهرا
.
.
سن درس حیا وئردون دنیا بویی نسوانه
باجادی نقابوندن روپوش اولا قرآنه
یتمیش نفری گتدی چادر شبون ایمانه
سن حیدره ریحانه حیدر سنه پروانه
مین خلده برابرسن یافاطمة الزهرا
.
.
اون سگّیز ایل عمر ائتدون بو عالم امکاندا
یاغدی باشووا غملر یاندون غم وحرماندا
هئچ گل تئز آچوب سولماز سن تک بوگلستاندا
هئچ گورمدی نامحرم رخساریوی بیر آندا
مستوره موقّرسن یافاطمة الزهرا
.
.
درگاهوه خادمدی مین مریم و عیسالر
قوی فضه ایاقیندان اوپسونله زلیخالر
زلفیله اطاقوندن قوی توز آلا لعیالر
ائتسون او گوزل توزدان سرمه گوزه حورالر
سارالره برترسن یافاطمة الزهرا
.
.
سن هر دایانان وقته محراب عبادتده
نوروندن اولور یثرب نورانی اوساعتده
دل عرض ارادتده سر سجدهٔ طاعتده
کیمدور بولیاقتده کیمدور بو جلالتده
سنسن که منورسن یافاطمة الزهرا
.
.
آز عمریده ایّوبی مبهوت ائلدون صبره
او مسّنی الضُرّی تکرار ائلدی جبره
گوزیاشیوی دوندردون نیساندا اولان ابره
آخرده شهید اولدون گئتدون یارالی قبره
قبرونده ده مضطرسن یافاطمة الزهرا
.
.
بوش گئتمه دی هئچ سائل دربار جلالتدن
فیض آلدی ایکی دنیا درگاه امامتدن
قیترمه«کریمینی»بوش باب کرامتدن
ائتمه اونی محشرده محروم شفاعتدن
سن شافع محشرسن یافاطمة الزهرا
.
.
#فاطمیه_مدح
#سن_عالمه_محورسن_یافاطمةالزهرا
#کریمی_مراغه_ای
#ترکی
.
✍️ #زبدةالاشعار ✍️
.
🆔: @nohe_torki
نظر دهید