سوزعطش مندن،مِی و میخانه سندن یاحسین #حسینیه_مصیبی_تبریزی

یا حسین …
.
✍️ زبدة الاشعار ✍️
.
🆔: @nohe_torki
.
مصیبی تبریزی
.
سوزعطش مندن،مِی و میخانه سندن یاحسین
شکرانه مندن ساغر و پیمانه سندن یاحسین
.
آفاقی گزدیم کو به کو تاپدیم قاپوندان آبرو
چاتدیم مقام و منصب وعنوانه سندن یاحسین
.
کویونده مولا بوینوما طوق گدایی سالمیشام
مندن گدالیق تُحفۀ شاهانه سندن یاحسین
.
غم لجّه سینده قالمیشام مولا یتیش فریادیمه
غوغاسی مندن ، چاتماقی جانانه سندن یاحسین
.
ای معدن جود و کرم وی صاحب حِلّ و حرم
قووما قاپوندان سائلم احسانه سندن یاحسین
.
دلدن ولانی سیلمرم اسگیک لره اسگیلمرم
ئورگنمیشم چون درسیمی مردانه سندن یاحسین
.
آچدیم صفا سجّاده سین ایچدیم سعادت باده سین
آلدی وجودیم نشئۀ مستانه سندن یاحسین
.
سن شمع ، من دردآشنا گل بیردولاندیرباشیوا
پروانه وار امّا پر ِ پروانه سندن یاحسین
.
بیر مرغ دام افتادیم بس بی ریا و سادِیَم
هم لانه سندن ایستورم هم دانه سندن یاحسین
.
من عشقیوین محبوسیم درگاهیوین پابوسیم
مندن تمنّا ، غمزۀ فتّانه سندن یاحسین
.
اولدون بهانه خلقته خلق جَحیم و جنّته
من پی آپاردیم قدرت یزدانه سندن یاحسین
.
عشقینده سینه داغلادیم کویونده پیمان باغلادیم
والله وارام من ائتدیقیم پیمانه سندن یاحسین
.
گویلوم غمه منهاج اولوب غم تیرینه آماج اولوب
حسرتدی قلبیم ناوک پیکانه سندن یاحسین
.
قلبیم اولوب کان بلا چوخ درده اولدیم مبتلا
گلدیم یتم کویونده کی درمانه سندن یاحسین
.
کشکولیمیزبوشدورآقالطف ایله سن خوشدور آقا
بیزدن تقلّا بخشش جانانه سندن یاحسین
.
کِلک«مصیّب» سیرائدور لوح جنون و آتشی
یازدیقجا هرلحظه گلور جولانه سندن یاحسین
.
.
#حسینیه_مدح
#سوز_عطش_مندن_می_و_میخانه_سندن_یاحسین
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki