زبدةالاشعار

سوز عطشدن قورویوب لبلریم #فرات #کریمی_مراغه_ای

اظهار عطش حضرت رقیه (س) به سقای کربلا
.
✍️ #زبدةالاشعار ✍️
.
🆔: @nohe_torki
.
کریمی مراغه ای
.
#سبک_نطقه_گل_ای_شاه_شهیدان_حسین
.
سوز عطشدن قورویوب لبلریم
گل کیمی خندانم عمو العطش
اود دوتوب اودلاندی علی اصغریم
منده لب عطشانم عمو العطش
.
.
.
اهل جفا سینمیزی داغلیوب
سو یولی باغلاندی گوزوندن ایراق
قارداشیم اصغر او قدر آغلیوب
خسته و نالاندی گوزوندن ایراق
آخر آنام اللرینی باغلیوب
حالی پریشاندی گوزوندن ایراق
گور نجه قوینومدا قالوب اللریم
دیده سی گریانم عمو العطش
.
.
بیر سو کی وحشیلر ایچور سر به سر
بیز نه روادور بیله محروم اولاخ
حکم ایلیوب یوخسا قضا و قدر
صبر ایلیاخ هر غمه محکوم اولاخ
آل پیغمبر دگولوخ بیز مگر
امّت الینده نیه مظلوم اولاخ
یاندیرار عالملری نیسگللریم
حالی پریشانم عمو العطش
.
.
آل منی بیر لطفیله آغوشیوه
چک الیوی باشیمه ای سروریم
قوی بوقوری مشکی سالوم دوشیوه
بلکه مبارک اولا بو اللریم
رحم ایله بو بلبل خاموشیوه
گور نجه اشکبایه دولوب گوزلریم
قویما عطشدن سینا بال و پریم
مرغ خوش الحانم عمو العطش
.
.
خیمه ده گور اصغر آناسی رباب
عالم امکانه سالوب ولوله
عرض ایدیرالله بالام اولدی کباب
زلفین آچوب دوشلرین آلمش اله
گاهی دیور بسدی علی ایله خواب
بلکه بو بیچاره آنان دینجله
مشگلی حل ایله گیلن سروریم
لایق احسانم عمو العطش
.
.
#فرات #کریمی_مراغه_ای
#شب_عاشورا_عباسیه
#سوز_عطشدن_قورویوب_لبلریم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  اروجلوق بایرامی گلدی ای اهل رحمت و غفران #عید_فطر #محمد_هوشمند

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی