سو اوسته قولسوز یخلدیم آتدان آماندی تئز گل هرایه قارداش #عباسیه_کاتب_اردبیلی

امداد خواستن سقای کربلا از امام حسین (ع)
.
✍️ #زبدةالاشعار ✍️
.
🆔: @nohe_torki
.
#سبک_آچیلدی_پرچم … 10سبک
مشابه
.
مرحوم کاتب اردبیلی
.
سو اوسته قولسوز یخلدیم آتدان
آماندی تئز گل هرایه قارداش
سو مشکیم اولدی نشان پیکان
آماندی تئز گل هرایه قارداش
منی آلوبلار آرایه قارداش
.
.
حصار ائدوبدور منی مخالف
گل ای امیر حجاز حسین جان
سالوبلا دشت عراقه شورش
واریمدی سوز گداز حسین جان
بو چولده قیلّام نوای دلکش
گل ایلیک بیر نیاز حسین جان
وئروم همایون رکابده جان
آماندی تئز گل هرایه قارداش
.
.
قولوم نقدری سلامتیدی
سو مشکین ائتدوم محافظت من
ستمله ائتدی گروه کینه
ایکی قولومی جدا بدندن
نجه گلوم من خیامه بیرده
سوسوزدان ایلر سکینه شیون
اولوبدی باغریم بو غصّه دن قان
آماندی تئز گل هرایه قارداش
.
.
علم یخلدی قدیم بوکولدی
گروه کینه یتیشدی فرصت
گوره له یوخدور قولوم بدنده
ائدر منیله هامی عداوت
بو چولده آخر ستمله اولدوم
سکینه دن من عجب خجالت
یوخومدی طاقت او قالسون عطشان
آماندی تئز گل هرایه قارداش
.
.
ویرویلا یاره زبسکه دشمن
آچوبدی جسمیم غریبه گللر
چکوبدولر صف مقابلیمده
هامی مصمم الینده خنجر
بو تئزلکیله یتشمسون سن
منی یقیندور شهید ائده لر
جفای دشمن اولوب نمایان
آماندی تئز گل هرایه قارداش
.
.
#عباسیه_شهادت
#سو_اوسته_قولسوز_یخلدیم_آتدان
#ترکی
.
✍️ #زبدةالاشعار ✍️
.
🆔: @nohe_torki