شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
.
#سبک_ای_درد_بی_درمانلارا … بیش از 10 سبک (یا فاطمه من عقده … ای کربلانون تشنه لب … و … )
.
مرحوم یحیوی اردبیلی
سو یوللارین چون باغلادی شام اشقیاسی
افلاكه تشنه لبلرون چیخدی نواسی
آل عبانون (ای خدا) آرتدی بلاسی
باشلاندی دشت محنتون غم ماجراسی
.
.
مظلوم حسینون قتلینه راجع نهانی
گوگدن صحیفه گلدی لیل امتحانی
پژمرده لندی آل طاها خاندانی
گئیدی حرملر اگنینه ماتم لباسی
.
.
اوندا بویوردی اهل بیته سرور ناس
راحت یاتون سیز بو گئجه سالمدور عباس
اخیامون اطرافینده صبحه دین چکور پاس
پرچم اسور وار الده تیغ جان رُباسی
.
.
عالم فدا بو همت والایه عباس
بو غیرت و بو شوکت اعلایه عباس
آوازه سالدی صولتون دنیایه عباس
هر ساعت آرتدی دشمنون خوف و هراسی
.
.
راحت یاتاردی زینب و كلثوم و لیلا
عباس و اکبر تک دلاور وار نه پروا
نه حاله دوشدیلر او خاتونلار خدایا
گوردیله گورسَنمز علمدارون لواسی
.
.
فکریم دولاشدی غم دل نالانه گلدی
ذهنیمده بو مطلب منیم جریانه گلدی
فریاد او ساعتدن حسین میدانه گلدی
ظاهر اولوب إِنكَسَرَ ظَهری نداسی
.
.
گوردی شکست اولموش او سیمرغون قنادی
عباسینون دوشموش دو بازوی جوادی
بیر یانه رعنا قامت والانهادی
بیر یانه بیدق بیر یانا مشگون پاراسی
.
.
اول قدری اوخ دگمیش اوخ آلتیندا نهاندور
قدّ رساسیندن فقط بیر شکل عیاندور
باشدان ایاقه پیکری بیر پارچا قاندور
سانسیزدو سانسیزدور یارا سانسیز یاراسی
.
.
ای شاهباز موکبیم سرکرده قارداش
قالدی یاخام سندن صورا اللرده قارداش
ئوللم ولی یالوارمارام نامرده قارداش
قوی دشمنین گلسون وصوله مدعاسی
.
.
گل آستینیم لن گوزون قانین سیلوم من
لازم دگل ائتسون وصیت تا بیلوم من
سن گئت دالونجاق آز زمان قالدی گلوم من
قارداش بودور آخر فنا دهرون وفاسی
.
.
دلتنگ ائدنده یحیوی قارداش فراقی
آغلا حسینون حالینه اول غملو چاقی
بئل سیندیرور مشهور دور قارداش داغی
هم رخنه پیدا ائلیور عمرون اساسی
.
.
#عباسیه_شهادت
#سو_یوللارین_چون_باغلادی_شام_اشقیاسی
#ترکی
.
✍️ #زبدةالاشعار ✍️
.
🆔: @nohe_torki
نظر دهید