حالات جناب سکینه و فاطمه عروس در راه شام
.
✍️ #زبدةالاشعار ✍️
.
🆔: @nohe_torki
.
مرحوم حاج رضا صراف تبریزی
.
سکینه نوعروسیلن، اومه پاره، بومه پاره
گئدر باشی آچیخ شامه او بیچاره، بو بیچاره
.
قویوب صحرایه یوز، باشسیز بو همسرسیز، او قارداشسیز
قالوب یوللاردا یولداش سیز او آواره بو آواره
.
بو درد هجریلن خسته، او بیر عریان دوه اوسته
خیال زلفیلن بسته، او بیر تاره بو بیر تاره!
.
بیری حسرت رخ آله، بیری نی تک ائدر ناله
ائدر شام اهلی بو حاله او نظّاره بو نظّاره
.
ایکی باجی زلیخاسان ایتیرمیش بیر مه کنعان
گئدر الده کلاف جان، او بازاره بو بازاره
.
جدا باشینده قارداشین گؤرن ساعت آچوب باشین
تؤكوب شوریله گؤز یاشین، او رخساره بو رخساره
.
او قارداشین سالوب یاده بو آغلار تازه داماده
قالوب حسرت بو دنیاده او دلداره بو دلداره
.
بیری ائلدن حجاب ایئلر، یوزه زلفین نقاب ائیلر
بیری باغرین کباب ائیلر، او اودلاره بو اودلاره
.
بیری دیلدن دوشوب ساکت، دوروبدور ساکت و صامت
اولوب بو سیرده ثابت او سیاره بو سیاره
.
او غمدن ناگزیر اولموش بلایه دستگیر اولموش
بو بیچاره اسیر اولموش او کفّاره بو کفّاره
.
او حسن اکبره مایل، بو بحر غمده پا درگل
وئریبدور اختیار دل او بیر یاره بو بیر یاره
.
او ائیلوب دردیلن الفت، اولوب محنتله هم صحبت
بو محنت کش قالوب حسرت او دیداره بو دیداره
.
دئیین صرّافه بو غمده، گل آغلا بزم ماتمده
مقیّد اولما عالمده او دیناره بو دیناره
.
.
#راه_شام_صراف_تبریزی
#سکینه_نو_عروسیلن_او_مه_پاره_بومه_پاره
#ترکی
.
✍️ #زبدةالاشعار ✍️
.
🆔: @nohe_torki
نظر دهید