سکینیله علی اصغر او لب تشنه بو لب تشنه #اصعریه #کاتب_اردبیلی

حضرت علی اصغر علیه السلام
–
✍️ زبدة الاشعار ✍️
?: @nohe_torki
–
مرحوم میرزا محمد صادق کاتب اردبیلی
–
سکینیله علی اصغر
او لب تشنه بو لب تشنه
او بلبل بو گلِ احمر
او لب تشنه بو لب تشنه
–

اونون رنگ رخی قاچمش سوسوزدان اضطراب ایلر
ز بسکه العطش سویلر خیام اهلین کباب ایلر
ولی یوخ ، اصغرون اما بونا ناله رباب ایلر
نه چاره ایلسون مادر او لب تشنه بو لب تشنه
–

او سو جامین دوتار الده ائدر بلبل کیمی ناله
ویرار دورونده آل الله بنات النعش تک هاله
بونی سوز عطش اما سالور بیر اوزگه احواله
اولور بی تاب ضعف ایلر او لب تشنه بو لب تشنه
–

اونون گه سولدورور رنگین سوسوزلوق غنچه وش ایلر
دوشر گه تاب و طاقتدن گه اظهار عطش ایلر
ولی بو طفل ششماهه بشیکده گاه غش ایلر
گهی رمزیله سو ایستر او لب تشنه بو لب تشنه
–

او گاهی خیمه گاه ایچره دولانور سو سراقینده
گهی آغلار عموسینه گهی اکبر فراقینده
بو اما یاپراقا بنزر اولا سروون بوداقینده
خزان برگی کیمی تیترر او لب تشنه بو لب تشنه
–

سکینه سو تاپا بیلموب سرادقده اولوب خسته
علیِ اصغر حالینه قوشون آغلادی هر دسته
ویروب اوخ حرمله ظالم آتاسینون الی اوسته
آتا محزون اوغول مضطر او لب تشنه بو لب تشنه
–

سکینه گاه زینبله ائدوب رازو نیازینی
گهی لیلایه ایلردی بیان سوز و گدازینی
سوسوز اوخلادیلار اما علی اصغر بوغازینی
خدنگ کین گلوی تر او لب تشنه بو لب تشنه
–

او اطفال حسین ایله ائدردی ناله و افغان
صحابه قزلاری بیر صف دالیندا العطش گویان
بو آفاقی ملول ائتدی دگنده حلقینه پیکان
ائله پیکان بئله خنجر او لب تشنه بو لب تشنه
–

بس ایله « کاتبا » یازما دوتار اود دفتر و خامه
دیار کربلا ایچره واریمیش اوزگه هنگامه
نقدری شرح قیلسون بیل یتیشمز بو غم اتمامه
بو فردی دلده قیل ازبر او لب تشنه بو لب تشنه
–

#سبک_علی_اصغر_مه_انور
(بیش از 7 سبک شامل سبک های
منیم ای تشنه قربانیم … حسین تعجیلیلن گئتمه … بزن بر سینه و بر سر … )
–

#اصغریه_شهادت #اصغریه
#شب_عاشورا
#فرات
#سکینیله_علی_اصغر_او_لب_تشنه_بو_لب_تشنه
#کاتب_اردبیلی
#ترکی
–
✍️ #زبدةالاشعار ✍️

?: @nohe_torki