زبانحال امام حسین علیه السلام بعد از شهادت یار و انصار
.
✍️ #زبدةالاشعار ✍️
.
🆔: @nohe_torki
.
مرحوم بیضا اردبیلی
.
سیر ائدن میقات عشقی شاه گردون جاهیدور
بادۀ وحدت ایچوب مست فنا فی اللهدور
.
.
سویلدی من مست وصلم اولموشام عاشق تبار
گورمشم رخسار یاری گئتمیش الدن اختیار
ما و من معناسی یوخدور اولموشام مجذوب یار
جوهر عشقم وجودیم باء بسم اللهدور
.
.
نقطۀ فی تحت بایم بانی کون و مکان
واحد و یکتا حسینم واله واحد نشان
مستدام و مستمرّم مستقرّ و لامکان
شاهد عشقیم بو میداندا خلیل اللهدور
.
.
وئرمیشم بیربیر هدایانی بو گون جانانیمه
گلمیشم پروانه تک آتش ورام بو جانیمه
بادۀ پیمانه نی پیوند ائدیم پیمانیمه
درک ائدن وحدت وجودیم بو دل آگاهدور
.
.
اکبریم آرام جانیم عشقده اعجاز ائدوب
قالمیوب اخیامیده لیلا یه چوخ چوخ ناز ائدوب
یوز قویوب میدان عشقه رتبه سین ممتاز ائدوب
لیلی نی مجنون ائدن بو رهسپار راهدور
.
.
ناگران نهر فرات اوسته یاتوب شیریم منیم
قامت و قدّ رسا بیر سرو تعبیریم منیم
بلده قوّت دلده طاقت الده شمشیریم منیم
تشنه لب علقم کنارینده وزیر شاهدور
.
.
باشی اوسته من چاتاندا عشقدن مدهوشیدی
جسمی تیغ و خنجر و پیکانیلن مفروشیدی
قوللاری تندن جدا باش یاره لی خاموشیدی
ایله بیلدیم ئوز مدارینده دوتولموش ماهدور
.
.
رُخ رُخ ماهینه قویدوم قلبیم اولدی بیقرار
گوردی لشگر روح و تن یکسر اولوب مجذوب یار
پیلتن آتلی پیاده حمله ائتدی استوار
کیش شه مات ایلدی گوردی وزیرسیز شاهدور
.
.
اصغریم گهواره دن ناگه یره آتدی ئوزین
یوز دوتوب میقات عشقه آغلادی یومدی گوزین
رمزیله دیلسیز بالا ائتدی بیان آخر سوزین
طفل شش ماهونده بیل مشتاق طیّ راهدور
.
.
ایلرم کسب رضای ذات حیّ داوری
قوللاریم اوسته گتوردوم کوی عشقه اصغری
چاتدی چون میقات عشقه غنچه لندی لبلری
سسلدی گوگده ملک لر آخرین تنخواهدور
.
.
حرمله درک ایلدی چون عاشق شش ماهه نی
چکدی زه پرتاب ائدوب اوچ شعبه تیر آهنی
دگجگین نازک بوغازه قان اولوب پیراهنی
آسمانه اوج ائدن الاندا دود آهدور
.
.
بیر باخون نازک بوغازدان اوچ طرفدن قان سوزر
قان سوزر اوچ سمتیدن اوچ رشتۀ مرجان دوزر
بیر بالیق تک خردا جسمی قانه غرق اولموش اوزر
سالکی مبهوت ائدن بو صحنۀ جانکاهدور
.
.
مفتی دوران ،عجب تنگ ایلدون میدانی سن
کفریلن ائتدون برابر مسلک عرفانی سن
عارفی کافر بیلوب وئردون بله فتوانی سن
سویلدون عامی لره «بیضا» حسین اللهیدور
.
.
.
#حسینیه_بیضا_اردبیلی
#حسینیه_شهادت
#سیر_ائدن_میقات_عشقی_شاه_گردون_جاهیدور
#ترکی
.
✍️ #زبدةالاشعار ✍️
.
🆔: @nohe_torki
نظر دهید