شهادت حضرت علی اصغر«ع»
«اصغره باخ،اصغره باخ»
.
✍️ زبدة الاشعار ✍️
?: @nohe_torki
.
اکبر ستاری (قیزیل قلم)
.
شاخه ی نیلوفره باخ،برگِ گلِ اَحمره باخ
سوزِعطش دن سارالان،لبلره باخ لبلره باخ
آل نظره حاجتووی،مشکل آچان اَللره باخ
باب الحوائج لقبی،اصغره باخ اصغره باخ
.
مطلع شعرونده یئنه رحمت اوخی« منزوی ـیه»
قؤیماچیخااَلدن اوغول شعرده عالی رَویَـیه
شاعراودورشعرینی هرعصرده شایسته دییه
کیمدی بوگون سبقت آلا«اَنوریلن»«یحیوییه»
دست قلم پروره باخ،اصغره باخ اصغره باخ
.
نوگل خندان حسین سوزعطشدن سارالیب
خیمه ده اوچ گون دی ،سو،یوخ،طاقت وصبری آزالیب
سو،سؤزی دیللرده گزور،آه،سمایه اوجالیب
تشنه نی سیراب ائلسین رحمتِ رحمانه قالیب
مرحمتِ داوره باخ،اصغره باخ اصغره باخ
.
ایسته دی شاهِ شهدا سینه یه زهراگولونی
گلشن عشقینده قالان عطرلی زیباگولونی
سوزِعطشدن سارالان شاخهٔ طوبٰی گولونی
محضریاره آپاریب ائیلییه اِهدا گولونی
غنچهٔ تازه تره باخ،اصغره باخ اصغره باخ
.
گلدی برابردایانیب معرکه ی جنگ ده شاه
موروملخ تک اوشَهی دؤره لییب فوجِ سپاه
چوخ دی عَدو،یوخ دی کمک،کیم اوشَهَه اولدی پناه
اَلده توتوب اصغرینی لشگره بیرسالدی نگاه
دشتِ بلاگستره باخ ،اصغره باخ اصغره باخ
.
باشلادی اَوّل ده حسین لشگره صحبت لرینی
قیلدی اشارت یازیلان نامه ی دعوت لرینی
حجتین اتمام ائله دی،وئردی نصیحت لرینی
جلب توجه بویوروب اصغره دقت لرینی
یعنی گلِ حیدره باخ،اصغره باخ اصغره باخ
.
شاه شهیدان،قشونی آگه ائدیب مسئلییه
داش ئورک اشخاص قالیب اَشکین عذاره الییه
باخدی عمرسعدِدَنی شدّتیلن حرملییه
یعنی حسینون بالاسین اوخلییا قانه بَلییه
دستِ خطاپروره باخ،اصغره باخ اصغره باخ
.
سسلدی صبرائیله حسین،اوغلووی سیراب ائدرم
اَمردی!یوخ من ده رضا!بس نئجه من تاب ائدرم
زهرلی،بیراوچ پراوخی،اصغره میراب ائدرم
یوخلاماسان بواوخولان ایندی اؤنی خواب ائدرم
قدرت سیم وزره باخ!اصغره باخ اصغره باخ
.
اَگری کمان دا،دوز اوخا،یئروئریب اُوْل معدنِ شَر
اوخ نئجه اوخ!کینه لی دی!فرض ائله چون قلبِ عُمَر!
دَگسَه او نازک بوغازا ائیله تصوّر نه ائدر؟
بیراوخولان،سالدی اوگون حرمله افلاکه شرر
چرخ ده کج محوره باخ!اصغره باخ اصغره باخ
.
چلّه ده چون وئردی مکان زهرلی بیراوچ پر اوخی
چیخدی هواده یولونی تاپدی اوکانِ شَراوخی
شوقیله پستان یئرینه اَمدی علی اصغراوخی
شرحِ مصیبت نه دی گؤر؟تازه دن آچ دفتر،اوخی
باد ِسَمِ صرصره باخ،اصغره باخ اصغره باخ
.
اوخ بوغازین بیچدی،علی اصغری قانه بَلَه دی
قلبِ حسینه تَزه دن،داغ چکیب ،یاره لَه دی
خیمه ده اصغرآناسی اَشکین عذاره اَلَه دی
قلبین اووشدوردی ننه،یاندیم اوغول وای سؤلَه دی
سوزِدلِ مادره باخ،اصغره باخ اصغره باخ
.
حلقینی اوخ یاره لییب،تیتره دی اَسْدی چَنَه سی
شوقیله بیرگولدی اوخا،صونراکسیلدی نفسی
خیمه ده دیسگیندی اودَم،سسله دی ایوای ننه سی
سالدی ربابین باشینا دَهرده اصغر قره سی
عترت پیغمبره باخ،اصغره باخ اصغره باخ
.
اووجونادولدوردی حسین عشقیله اصغرقانینی
سپدی گؤیَه رقّتیلن ختم پیمبرقانینی
ساخلا امانت دئدی ای خالق داور،قانینی
صاحب قان گلسه آلار اَطیب واَطهر قانینی
شاهِ عدالت گره باخ،اصغره باخ اصغره باخ
.
باخ دی حسین اصغرینون گؤزلرینه،دولدی گؤزی
ایسته دی کی خیمه لره قئیتره!گلموردی یوزی
بیربالاجاقبرقازیب اصغری دفن ائتدی ئوزی
عارف اولان شیعه گرک دَرک ائله سین سؤزده سؤزی
حادثه ی بَدتره باخ!اصغره باخ اصغره باخ
.
چون کی حسین واقف دی دشمنه کامه چاتاق
نعش شهیدانه قشون شدّتلن آت چاپاق
غارته اَل آچسا عَدو شرم وحیانی آتاجاق
اصغره رحم ائیله مییَن،رسم وفانی آتاجاق
غارته باخ محشره باخ،اصغره باخ اصغره باخ
.
آتلار اَیاقینده هدف ائتمییه لرگول بدنین
گؤرمییه نِی ده باشینی!قیزلارائدردادواَنین
قلبی یارالی آناسی گؤرمه سین اصغرمحنین
تُپراقاتاپشیردی حسین اَشکیله وَجه الحسنین
اَسدی قرایئللره باخ،اصغره باخ اصغره باخ
.
گلدی حسین ابن علی خیمه لره رقّتیلن
یوخ دی توانیم کی دییه م گلدی نه کیفیّتیلن
دل سؤزون آندیردی ولی زینبینه دقّتیلن
گؤردی ربابی اُتوروب خیمه ده چوخ حسرتیلن
«همسره باخ مادره باخ»اصغره باخ اصغره باخ
.
سسلدی شاه شهدا،خواهرغم پرورینی
وئردی اجازه باجیسی اوخشاماقااصغرینی
گؤردی رقیّه صورامرقارداشینون بُوش یئرینی
اهل حرم بُوش بئشیگین آلدیلا دور و برینی
گؤزده کی اَشکِ تره باخ،اصغره باخ اصغره باخ
.
بعضیسی سسلردی سوسوزقارداشیم ایوای یارالی
بعضی دئیوردی بوغازی یاره لی لای لای یارالی
سسلدی بیرلحظه رباب،اُلدون اوغول سن هارالی
هانسی شَل اولمیش سنه اوخ ووردی ربابون مارالی
باخ ننه وه،چؤللره باخ،اصغره باخ اصغره باخ
.
من داخی سندن صورا ای بختیمین آیدین سحری
کؤلگییه اوز قؤیمارام ای تیربلانون سپری
قبرووه دوشسه آناوون بیرگونواوغلوم گذری
اُولسا رقیه م چاغیرار،باجیلاری،عمه لری
گَل سارالان خواهره باخ،اصغره باه اصغره باخ
.
#اصغریه_شهادت
#شاخه_نیلوفره_باخ_برگ_گل_احمره_باخ
#قیزیل_قلم
#ترکی
.
✍️ #زبدةالاشعار ✍️
?: @nohe_torki
نظر دهید