زبانحال حضرت زینب در سر قبر مادرش
در مدینه بعد از اسارت
.
✍️ #زبدةالاشعار✍️
.
🆔: @nohe_torki
.
یوسف فاخر
.
.
شاماتی گیدوب گزدیم ، گلدیم آنا یا زهرا
هر بیر محنه دوزدوم ، گلدیم آنا یا زهرا
.
.
قارداشیم حسین وئردی ئوز عهدینی پایانه
یالقیز یارالی باتدی ظلمیله قزلقانه
توپراقلارین اوستونده جان وئردی غریبانه
گوز یاشی یوزه دوزدوم ، گلدیم آنا یا زهرا
.
.
دریای مصیبتده غرق اولدی بالا قزلار
گیزلینجه ولی سن سیز آغلاردى اوغولسوزلار
آی گیتدی بولود گلدی باتدی هامی اولدوزلار
آیدان الیمی اوزدوم ، گلدیم آنا یا زهرا
.
.
ایستردی زیاد اوغلی حق اوسته چکه پرده
صبریم قوتولوب گلدی قلبیم آنا جان درده
حکّ ائتدیم حسین آدین بی واهمه دللرده
دلده گُل آدی گزدیم ، گلدیم آنا یا زهرا
.
.
.
پروانه صفت یاندیم هر دم غم هجرانه
هر یرده دفاع ائتدیم چون شیر دلیرانه
گرچه یریمیز اولدی شاماتده ویرانه
نقش ستمی پوزدوم ، گلدیم آنا یا زهرا
.
.
ویرانه نه ویرانه هر محنته باب اولدی
لیلائیله کلثومه همناله رباب اولدی
بیر نازلی بالان اوردا مدفون تراب اولدی
دفن ائتدیم اونی دُؤزدوم ، گلدیم آنا یا زهرا
.
.
اولدی او بالا باعث قرآن اولا پاینده
بیز گلدوخ اونی قویدوخ شام ایچره نماینده
«فاخر» یازان اشعاره وار یاخشی صله سنده
نقد آلدی دیسون مزدوم ، گلدیم آنا یا زهرا
.
.
#ورود_مدینه_یوسف_فاخر
#شاماتی_گیدوب_گزدیم_گلدیم_آنا_یا_زهرا
#ترکی
.
✍️ #زبدةالاشعار✍️
.
🆔: @nohe_torki
نظر دهید