زبانحال حضرت رقیّه (س)
.
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان
.
مرحوم حاج حسن صحرائی سیابانی (زاهد)
.
شامده فلک سالاندا باشیمی بلایه عمّه
بو خرابه یرده گللم نی کیمی نوایه عمّه
.
.
من بابامدان آیرلاندان گوز یاشیم دونوبدی قانه
ظلمیله منی آیردی شمر الینده تازیانه
ایمدیده یوزومده عمّه وار او ظلمدن نشانه
هانسی قیز دوزر منیم تک بیر بیله جفایه عمّه
.
.
کربلاده ظلم الیله عیش گلشنیم پوزولدی
دمبدم بو خسته گویلوم غصّه و ملاله دولدی
اوف اولا بو روزگاره مسکنیم خرابه اولدی
آغلارام ئولونجه نالم اوج ایدر سمایه عمّه
.
.
آج سوسوز خرابه یرده آتش غمیله یاننام
بولسم اکبریم که ساقدی هر مصیبته دایاننام
گلسه قارداشیم سفردن باشینه دوروب دولاننام
اوزگه بیر علاقه منده وار او مه لقایه عمّه
.
.
قارداشمدان آیریلاندا یوز ویروب بلا و محنت
بولمرم نه وار باشندا گلمدی او ماه طلعت
دمبدم بو شامین اهلی ایلوری منه شماتت
وار یری گلنده اکبر ایلسم گلایه عمّه
.
.
من او بلبلم چمندن دوشموشم بیله کناره
توش ایدوب منی زمانه ظلم الیله جور خاره
یوخدی قارداشیم یانمدا کیم منی قویار مزاره
کیم منه ویرر تسلی کیم گلر عزایه عمّه
.
.
عمّه جان یقین یتیمم کشف اولور بو گوز یاشمدان
رحم ایله من غریبه آچ بو قاره نی باشمدان
بولموسن که ناگرانم شاهزاده قارداشمدان
آهیم اوج ایدر گوررسن عرش کبریایه عمّه
.
.
من همان بالا دگولدیم بالش اوسته چوخ یاتاردیم
خوندل هاچان گوزومدن اشک آلیمه قاتاردیم
عالمی آتوب گوزومدن مقصد دله چاتاردیم
ایمدی بس نولوب بو قدری دوشموشم بلایه عمّه
.
.
من همان بالا دگولدیم قیدیمه هامی قالاردی
نازیله منی قوجاقه عمّه جان عموم آلاردی
قارداشیم قیزی دیردی بوینوما قولون سالاردی
خوش دلیله دیندرردی اوندا باخ وفایه عمّه
.
.
یادیمه دوش او گونلر شاد اولوب نه نوعی گللم
گورمرم ایله بیر عزّت بو خرابه یرده بیللم
قارداشیم، عموم گلینجه قالمارام من عمّه ئوللم
چاره سیز گرک دوزم من ظلم اشقیایه عمّه
.
.
هانسی بیر قیزون الیندن من کیمی گیدوب جلالی
غصّه جسمینی اریتدی اولدی قلبیدن یارالی
سنده یاز مزاریم اوسته ئولدی اکبرین مارالی
عالم اهلینه بولوندور دوزدوم هر قضایه عمّه
.
.
بیرده یاز بو قیز ئولنده دائماض یولا باخاردی
ماسوانی بو یتیمون آهی یاندوروب یاخاردی
دلده اصغر آدی گوزدن اشگ حسرتی آخاردی
شرح اولونسا انتظاری یتمز انتهایه عمّه
.
.
#حضرت_رقیه_حسن_صحرائی
#حضرت_رقیه_شهادت
#شامده_فلک_سالاندا_باشیمی_بلایه_عمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید