زبدةالاشعار

شامه لیلانی چکن عشق علی اکبریدی #راه_شام_لعلی_تبریزی

راه شام – حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم لعلی تبریزی
.
شامه لیلانی چکن عشق علی اکبریدی
نجه اکبر دیه سن صورت پیغمبریدی
.
.
اولا بلمزدی یقین هاجریله اسماعیل
حسسنده اکبره هم عشقده لیلایه دلیل
نه ایله عشق اولی بالله نه ایله حسن جمیل
بولموسوز بو نجه اكبر او نجه مادریدی
.
.
حسن تکمیلدی هر چند بنی هاشمده
چوخیدی طلعت دلبند بنی هاشمده
یوخیدی اکبره مانند بنی هاشمده
که شجاعتده علی حسنده پیغمبریدی
.
.
بو هامو طلعت حسنیله که تقریر اولدی
تشنه لب گل بدنی طعمه شمشیر اولدی
رشته كاكلی قان شطنه زنجیر اولدی
نجه کاکل که اونون تللری مشک تریدی
.
.
اولدی چون ضربتیله منشق او ماه مدنی
پیکرین یخدیلار آتدان یره اولقوم دنی
ایسی قوم أوسته سوسوز سالدیلا او گل بدنی
که اونا سینه لیلا نچه ایل بستریدی
.
.
کاش اولیدی بو هامو شیعیه دوزخده مقام
اولمییدی سر زلفی بیله آشفته نظام
وہ نجه زلف نجه سلسلۀ غالیه فام
که اونون رایحه سی رایحه عنبریدی
.
.
قویمادی کاكل اكبر دل لیلاده قرار
جذبه عشق چکوب قتلگهه قیلدی گذار
تاپدی بیر حالتیله اکبرین أول بیکس و زار
که سراسر بدنی زخم دم خنجریدی
.
.
گوردی آثار عطش وار لب خاموشنده
لیلی گوزیاشی توکوب اوتدی بر دوشنده
او اوغول باشی کسیلدی آنا آغوشنده
آخر اول باشی کسن کیمسه نیچه کافریدی
.
.
خاک خون ایچره او گل پیکری بیسر قویدی
حشره تک خاطر لیلانی مکدر قویدی
هانسی کافر أو سوسوز حنجره خنجر قویدی
ای خدا بو نجه حنجر او نجه خنجریدی
.
.
نجه تاب ایلدی بو عشقیله یارب لیلا
که قزلقانه بلشدی بیله خورشید لقا
آت سالوب پیکرینه چاپدی گروه اعدا
نجه پیکر دل لیلا کیمی نازک تریدی
.
.
راه امّتده یتوب قتله بیله تازه جوان
که قویوب حسرتی بو شیعه لرون ساغرینه
او شهیدون او جوان جاننه جانم قربان
که اونون طلعتی پیغمبره چوغ بنزریدی
.
.
اوُلُو «لعلی» بو عزا درگه اكبرده قبول
پرسش روز جزادن بو قدر اولما ملول
سنی قویماز یاناسان حشر گونی آل رسول
که دیللّر بو عزادار علی اکبریدی
.
.
#راه_شام_لعلی_تبریزی
#اکبریه_اکبریه_شهادت
#شامه_لیلانی_چکن_عشق_علی_اکبریدی
#ترکی

متن پیشنهادی:  دلا! همیشه قدم وور ولا مسیرینده #کربلا_سیدبشیرحسینی

.
✍️ #زبدةالاشعار ✍️
.
🆔: @nohe_torki

نظر

  • باسلام ،
    ضمن تقدیر و تشکر و قبولی عزاداریهاتون ، این شعر خیلی عالی و دارای اهداف و بیان و نشانگر راه می باشد .
    التماس دعا

  • سلام و احترام
    ممنون از لطف و مرحمت تان
    همواره در پناه حضرت حق تعالی باشید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی