زبانحال حضرت زینب سلام الله علیها در حال احتضار
.
✍️ زبدة الاشعار ✍️
.
🆔: @nohe_torki
.
#ستار_رزاقی تبریزی
.
شام ویرانه ده زینب ویروری جان قارداش
یورولان گوزلری گوزلور سنی هر آن قارداش
.
.
فلک ایلوب باجیوی محنت وغم تیرینه توش
عمرونون شمعی یاخوندور اولا غربتده خموش
داردنیانی آتوب جام اجل ایلیه نوش
باری گل قویما قالا دیده سی گریان قارداش
.
.
دردو غملر ایلدی قلبیمی بو دهریده قان
بوسببدن اولوب عالمده ایشیم آه و فغان
گل اوزون قویما قالا سینه ده بو سوز نهان
ای هامی درده اولان دهریده درمان قارداش
.
.
گوزلریم کربوبلانون یولونا خیره لنور
اورداکی منظره لر گوزده بوگون جلوه لنور
یاده دوشدوقجا غمون اوستومه غملر النور
ایلوری قانه دونن گوگلومی شان شان قاداش
.
.
بیر کسیم یوخدی کناریمده سیله گوز یاشیمی
آلا حسرتله اولن دمده دیز اوسته باشیمی
سسلورم علت اودور داده حسین قارداشیمی
گل اوتور باشیمین اوسته اوخی قرآن قارداش
.
.
یول اوزاقدور بولورم کربوبلادن شامه
ولی نیلوم یتیشور عمر گونوم اتمامه
قیل قدم رنجه باجون بیرده یتیشسون کامه
تاکی جان تاپشورا جانانینه آسان قارداش
.
.
یدی قارداش باجیسیدیم بو فنا دهریده من
حیف اولا آخر عمرومده یوخوم داده گلن
ایمدی اولسیدی کناریمده حسینیله حسن
اولمازیدیم بو قدر زارو پریشان قارداش
.
.
دلخوشام آیرلوری طایر روحیم تندن
قورتارور جانیمی جورو ستم دشمندن
حسرت اما چکورم دویمادیم اصلا سندن
چونکی سنسن منه آرام دل و جان قارداش
.
.
اللی ایلدور منیله همدم اولوب دردو بلا
قویمیوب خشک اولا بو گوز یاشیمی دست قضا
ولی هر غمدن اشد اولدی غم کربوبلا
اوردا چون قلبیمی غملر ایلدی قان قارداش
.
نظریمدن گیچوری قتلگه کربوبلا
چکورم آه جگر سوز ایدورم داد و نوا
گوردوم اوردا نه جفا ایتدی سنه قوم دغا
اوره گیم باشی او غمدن یانور الان قارداش
.
.
دار غربتدی یوخوم بوردا منیم دادرسیم
جان دوداقه یتیشوب یوخدی کناریمده کسیم
سنی گورماخلیقا واردو بولوسن چوخ هوسیم
سنده سال یاده منی ای شه خوبان قارداش
.
.
یوز قویوب درگهیوه دلده نوا رزاقی
دردی وار دلدن اولوب کربوبلا مشتاقی
دردینون چاره سی دور قتلگهون تپراقی
قیل نظر بیرده اولا قبریوه مهمان قارداش
.
#سبک_یارالی_جان_یارالی … 4 سبک
.
.
#زینبیه_شهادت
#شام_ویرانه_ده_زینب_ویروری_جان_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید