استیذان حضرت قاسم بن حسن (ع) از حضرت سید الشهداء (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم ذهنی تبریزی
.
شاها نظر مرحمتونده نظریم وار
لطف ایله عمو عرضیمه بیر دردسریم وار
.
هر چند جسارتدی ولی دوت منی معذور
بیر گوشۀ چشمیله باخ ائت گویلومی مسرور
دردیم وار ایدوبدور دل غمدیده می رنجور
آگه سن ئوزون دلده نجه غصه لریم وار
.
.
بیر یاندان آتام یوخدی یتیمم من مهموم
بیر یاندان احبّا غمی ای سید مظلوم
بیر یاندان ایدوب گویلومی غربت غمی مغموم
دلده بو قدر سؤنمز اودیله شرریم وار
.
.
ائتدی هره بیر بیع و شرا اولدی موفّق
جان نقدی وئروب سالدى اله دولت مطلق
بازار محبّتده گرک منده محقّق
بو سودَه یِتَم یِتمَه سَم عمده ضرریم وار
.
.
اهل دل ایدوب سینه لرین اوخلارا مخزن
قانه بویانوب زنگ غمی سیلدیله دلدن
غرقم عرقِ خجلته بو باروده تک من
باخسان یوزومه عرضیمه شاهد اثریم وار
.
.
ارباب هنر سندن آلوب اذن شهادت
میدان وفاده آپاروب گوی سعادت
رخصت وئر ایدوم منده بیر اظهار رشادت
سن یاخشى بولورسن که منیم ده هنریم وار
.
.
مرضات حقه نفسینی هر کیم سنه ساتدی
دریای خطرناک قتاله ئوزون آتدی
غرق اولدی نجات ابدی ساحله چاتدی
منده او نجات عشقینه میل خطریم وار
.
.
مه پاره على اکبر ایدوب عشقینی اظهار
ائتدی ئوزونی باشدان آخان قانیله گلنار
هجرینده اولوب عالم روشن گوزومه تار
زنگ غمیله دلده ز بس که کَدَریم وار
.
.
بوندان صورا من نیلورم عالمده حیاتی
چوخ خوش دوتورام من دیریلیقدان بو مماتی
بیر عاریه عمری که اونون یوخدی ثباتی
من نیلورم اوندا نه امید ثمریم وار
.
.
گر ایلمه سم محضریوه بو باشی ایثار
سرمایۀ خجلتدی بدنده نه قدر وار
سال سیر سلوکه منی ده قیل عمو سیّار
بیر یولدا که اکبر کیمی بیر راهبریم وار
.
.
جاریدی گوزومدن یوزه بو وجهیله قانیاش
بیر لحظه بو منظوریمه من تئز یتم ایکاش
شمشیر شقاوت دمینه منده وئرم باش
باشدا گوره لر آیتِ شقّ القَمریم وار
.
.
یوخ منده لیاقت که رکابوندا وئرم جان
مرهون ایله بو نیّتیله ای شه عطشان
وئر اصغر شهزادیه باری منی قربان
ظاهرده او اصغر دی منیم ده صِغَریم وار
.
.
ائتمز اَلم زخم و جراحت منی ملهوف
هر قدر قلج دگسه ایدر گویلومی مشعوف
پیکان دمینه سینه می وئرّم دیمرَم اوف
بو مخزن عشقیم کیمی الده سپریم وار
.
.
گر باشدان ایاقه بو وجودیم اولا صد چاک
قانه بویانام بستر بالینیم اولا خاک
حاشا که ایدم دیدۀ صبر دلی نَمناک
بو حسرتیله لیک آخان اَشگِ تَریم وار
.
.
تسکین غم و غصّه ایدوب ذهنی پریشان
عاجزلمیشم امریمه ای سرور ذیشان
بهت عالمیدور حالییَم ای شاه لب عطشان
بولمم که باشیمدا نه قضا و قَدَریم وار
.
.
.
.
#قاسمیه_شهادت
#شاها_نظر_مرحمتونده_نظریم_وار
#ترکی
.
✍️ #زبدةالاشعار ✍️
.
🆔: @nohe_torki
نظر دهید