زبانحال حضرت امام حسین(ع) در شهادت علی اصغر(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_ویرن_ویرانه_یرده
.
مرحوم سید احمد یاسر نجفی #ثریا_تبریزی
.
شاهد اول یارب الیمده اصغری عطشان گتوردوم
اولموشام شرمنده سندن تحفۀ ارزان گتوردوم
شوقیله مینای عشقه اصغری عطشان گتوردوم
.
.
سن بلورسن گئچموشم من سندن اوتری اکبریمدن
بیر نه یالقوز اکبریمدن عون و فضل و جعفریمدن
کشف اولور حالیم الهی ایمدی حال اصغریمدن
آلتی آیلیق طفلی ایمدی کویوه قربان گتوردوم
.
.
درد فرقتدن جهاندا بسکه یا رب جانه گلدیم
آتش هجراندا یاندوم ناله و افغانه گلدیم
اصغری گوتدوم الیمده درگه سلطانه گلدیم
بیر محقّر ارمغاندور دستۀ ریحان گتوردوم
.
.
چوخ ریاضتلر چکوب تا یتموشم من بو مقامه
شأن و قرب اصغری گوسترّم ایمدی اهل شامه
اهل شامه چوخ دیدیم هر حجّتی یتدی تمامه
من الیمده اصغری بیر گل کیمی خندان گتوردوم
.
.
حالینی بُلّم اوزوم تک حال زار زینبیمدن
خیمه ده آغلار حرملر ایمدی بیر بو مطلبیمدن
اصغریم الده درون دلده کی تاب و تبیمدن
اصغرین قویدوم آناسین خیمه ده گریان گتوردوم
.
.
تنگ ایدوبلر عرصه گاهی لشکر کافر حسینه
ظلمیله قویموبلا قالسین بیر نفر یاور حسینه
خوشدی مین دفعه یولوندا اوخلانا اصغر حسینه
ایتماقا قانین بو چولده زینت میدان گتوردوم
.
.
کربلا دشتی حسینه محفل خلوتدی یارب
اوخ قلج خنجر یاراسی باعث عزّتدی یارب
اصغریم قانه بویانسا عشقیده لذّتدی یارب
بو امیدیله خوشام من فدیۀ جانان گتوردوم
.
.
یاندورار حالی ربابین بُلورم کلّ جهانی
دوشسه گر روی زمینه اصغرین بیر قطره قانی
اؤجوما آلّام او قانی سرخ قیلّام آسمانی
عرض قیلّام شاهد اول بو اصغری آلقان گتوردوم
.
.
سن اؤزون آگاهسن وار دلده چوخلی درد و محنت
ئلدورور پیغمبر اوغلین ظلمیله بو عاصی امّت
لیک بو اوغلوم «ثرّیا» آغلور ایلور دینه خدمت
سویلوری درگاهیوه من دیدۀ گریان گتوردوم
.
.
#اصغریه_ثریا_تبریزی
#اصغریه_شهادت
#شاهد_اول_یارب_الیمده_اصغری_عطشان_گتوردوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید