میلادیه مولانا امیرالمومنین علی ابن ابی طالب (ع)
.
.
#سبک_نقش_من_چرا_نقش_ماتمه … میلادیه
.
.
حاج #مجید_امینی تبریزی
.
شاه لافتی رهبر امم
کعبه ده قویوب عالمه قدم
یر یوزون ایدوب گلشن ارم
سرور عرب، سید عجم
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
نیر شرف مرتضی علی
ایلدی بو دنیانی منجلی
دست حقدی مشکل گشا الی
سرودن رساتردی هیکلی
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
ذات کردگاره مثلدی بو
شیر خالق لم یزلدی بو
شهریار کل مللدی بو
هر گوزلدن الحق گوزلدی
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
شمس چرخ عزت ولی حق
گون کیمی سالوب عالمه شفق
گل یوزه دوزوب ژاله تک عرق
سجدیه دوشوب فخر ماخلق
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
وار کیمون جهاندا او قدرتی
بو گونون دیسون وار نه عزتی
اولسا هر اورکده محبتی
حق ویرر اونا باغ جنتی
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
رحمتین ایدوب حق یره نزول
درک ایده مقامین چتین عقول
بو اصح بیر سوزدی ایت قبول
افضل خلایقدی جز رسول
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
باب علمدور ختم الانبیا
بابدور او شهره بو مقتدا
جنگینی گورن موقع وغا
سسلنردی مولایه مرحبا
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
ویردی چوخ شرف دین و مذهبه
الده مدرکیم وار بو مطلبه
ایله بیر قلج ووردی مرحبه
اگلشنمدی بیرده مرکبه
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
حیف اولار که عاشق اولانمادی
عاشق اولماقین واردی چوخ دادی
کیم علی سویه واردی هر زادی
دللره صفادور علی آدی
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
من کیمم دیم عاشقم سنه
یا که عرض ایدم شائقم سنه
هاردا من مگر لایقم سنه
بلکه خادم صادقم سنه
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
.
یاز امینی یوخ عمره اعتبار
قوی قالا بو اشعاری یادگار
دلده مدح مولانی قیل شعار
ایله اهل دنیایه افتخار
ای علی اعلی مقدمون مبارک
جانشین طاها مقدمون مبارک
یاعلی علی جان یاعلی علی جان …
.
#حیدریه_میلادیه
#شاه_لافتی_رهبر_امم
#ترکی
.
.
نظر دهید