مدح حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
حاج علی اصغر فریدی
.
شبیه حضرت طاهادی اکبر
گوزل لردن گوزل زیبادی اکبر
.
.
ایدوب تعریف دشمن بو جوانی
حسینون طاقت آرام جانی
ایدوب عطری معطر کربلانی
جمالی گل قدی رعنادی اکبر
.
.
قویوب مدّاحی حیرتده کمالی
ایدوب شرمنده خورشیدی جمالی
چتین وصفه گلر شأن وجلالی
حسینه بیر ید بیضادی اکبر
.
.
گوزلدور زُهرَه دن گوندن لقاسی
گولنده گل لرین آتار صفاسی
جهاندا افتخار ایتدی آناسی
دیردی عزّت لیلادی اکبر
.
.
بو بیر گول دور جهانه بیرده گلمز
نه قدّی دگسه طوفان قدّین اگمز
جهان بیر مویینه وال لاهی دگمز
گوزل هر خصلته دارادی اکبر
.
.
بونون تعریفه هرگز یو خ نیازی
نسبده وار بیر عالی امتیازی
سر افراز ایلدی اهل حجازی
مثال سیدی بطحادی اکبر
.
.
نقدری دور ایده دور زمانه
بیله بیر نو جوان گلمز جهانه
فدا اولسون جوانلار بو جوانه
شَباب عالمه مولادی اکبر
.
.
اوزی آئین نمای مصطفادی
شجاعتده باباسی مرتضادی
گوزل لیقدا عموسی مجتبادی
ابوالفضله اولان همتادی اکبر
.
.
گلوب یوسف بونی گر ایتسه رُأیت
بو حسنه مرحبا سویلرحقیقت
گورریوسفده یوخدی بو وجاهت
لبی غنچه گوزی شهلادی اکبر
.
.
اودورکرب و بلاه قوم عدوان
گورنده گول جمالین قالدی حیران
دیوبلر بوملکدی یا که انسان
بشردی بیرملک سیمادی اکبر
.
.
چکه هرکس قلج بو دلربایه
دوچار ایلر اوزون قهرخدایه
پیمبردی گلوبدی کربلایه
مقام رتبه ده تنهادی اکبر
.
.
ایدوبدور لشگری سعد اوغلی اغوا
گلوبدور جنب و جوشه قوم اعدا
اوجالدی هلهله باشلاندب دعوا
گوروبلر که رجز گویادی اکبر
.
.
قلج الده ایدوب حمله سپاهه
تزلزل سالدی قوم دین تباهه
دونوب هردم باخاردی خیمه گاهه
آتاسین گورماقا جویادی اکبر
.
.
توکردی باشلاری توپراقالار اوسته
فرار ایلردی دشمن دسته دسته
قاچان قاچدی قالانلار اولدی خسته
ایله بیر شیر بی پروادی اکبر
.
.
چکوبدور دشمنی بس که سیوفه
دوشوب سرکرده لر هریاندا خوفه
ایتیردی اوزلرین اشرارکوفه
چخاردی عرشه چون فریادی اکبر
.
.
قالوبدور عرصۀ هیجاده جون تک
قلجلاندی باشوندان مرتضی تک
گیدنمز خیمه گاهه گوردی بی شک
چاتوب اخیامه استمدادی اکبر
.
.
گلوبدور باشی اوسته تا آتاسی
پوزوبدور دشمنی داد و نواسی
همیشه اکبرین وار دور عزاسی
#فریدی بیر غم عظمادی اکبر
.
.
.
#اکبریه_مدح
#شبیه_حضرت_طاهادی_اکبر
#ترکی
.
✍️ #زبدةالاشعار ✍️
.
🆔: @nohe_torki
