زبدةالاشعار

شرار ظلمیله از بس یزید بدبنیاد #کوچ_شام #حقیر_خویی

ذکر خلاصی آل الله از شام شوم
.
✍️ #زبدةالاشعار ✍️
.
🆔: @nohe_torki
.
مرحوم میرزا عبدالوهاب حقیرخویی
.
شرار ظلمیله از بس یزید بدبنیاد
دیار شامیده یاندیردی آتش بیداد
.
گوروب خرابه نشین اهل بیت طاهانی
دئدی عجب یوزومه آچدی بخت باب مراد
.
گرکدی یاندیرام آل خلیلی نار ایچره
که رسمیدور اولور اجداده جانشین اولاد
.
شرار آتش نمرودی ایلدی خاموش
او اود که یاندیروب عالمده ثانی شدّاد
.
قالوب خرابه ده نار ایچره آل ابراهیم
یانار اود ایچره مقام ائتدی سید سجاد
.
کمند ظلمیده قالماقدان اولدولار دلگیر
حرم غزاله لری رحمه گلمدی صیاد
.
نقدر جور و جفاده یزید ائدردی تلاش
مقام صبریده دورموشدی عترت امجاد
.
او وقته تک که ریاضتلری اولوب تکمیل
او آلتی آی اولوب آل رسوله سبع شداد
.
گلوب اورکلری درده صغیر اطفالین
خرابه دن اوجالوب عرشه ناله و فریاد
.
توجه ائتدیله درگاه حقّه آل الله
پناه سنسن الهی یزید الیندن داد
.
نه وقته تک بیزی ویرانه یرده ساخلیاجاق
اؤزون کمند جفاسیندان ائت بیزی آزاد
.
یتوب اجابته یتر دعای خسته دلان
او گجه بیر یوخی گورر یزید کینه نهاد
.
صباحه تک گجه مالی و للحسین دیوب
دگلدی قلبی سوزی یوخ بو سوزده استبعاد
.
نچون بولوب اوزی اوز یاندیران اودا یاناجاق
توهّم ائتدی اولا ملک سلطنت بر باد
.
گوروب که پرده گوتورمز عیان اولوب مطلب
ایشیقلی گون کیمی بین الرّؤس و الاشهاد
.
گلوب خیالینه اسکات خلق ایچون تدبیر
که ظاهراً ائده آل رسوله ترک عناد
.
وفا خیالینه دوشدی جفادن ال گوتوره
اولاندا مجلسه حاضر چو مفخر عبّاد
.
زبان عذر آچوب اظهار ائدوب ندامتلر
دئدی باغیشلا منی ای سلالة الامجاد
.
رضا دگلدیم آتان قتلنین خصوصینده
خجالت ایلدی من روسیاهی ابن زیاد
.
گچن گچوب گرک اولسون تلافی مافات
زیاده منفعلم ایلمه گچن لری یاد
.
اگر دمشقیده قالسان نوازشات تمام
سنون جنابوه نسبت اولور زیاد زیاد
.
اگر مدینه ی اسلامی اختیار ائده سن
لَکَ الارادَه لَکَ الاختیارُ کیف اَراد
.
دولاندی قلب شریف امام او حالتده
او حلم و صبر و وقاریله قدوة الاوتاد
.
باخوب یزید اوزینه حسرتیله آه چکوب
که مدّ آه تأسفلرین ائدوب تعداد
.
دئدی نه لازمه ظالم تسلّی دل زار
حسینیدن صورا انصافیدور اولام داخی شاد
.
دیار شامیده آل رسول حرمتینی
عجب ملاحظه ائتدون یزید ائوون آباد
.
مدینیه گئدورم گئتماقا یوزوم یوخدور
قالور نه اکبر و عباس و قاسم داماد
.
یزید مجلسینین مجلسی تمامه یتر
وفاسی عمرین اگر اولسا همت ائتسه مراد
.
«حقیر»ساخلا مصیبت صحیفه سین الده
گلنده حشره اولا بو صحیفه زاد نهاد
.
.
#کوچ_شام #حقیر_خویی
#شرار_ظلمیله_ازبس_یزید_بدبنیاد
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قاسم قیزیل قانه باتوب الآن عمو گل #قاسمیه_رضوی_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی