شرح ایله خامه محنت موسی بن جعفری #کاظمیه_محمدرضاصادقی

درشهادت حضرت موسی بن جعفر (ع)
.
✍️ #زبدةالاشعار ✍️
.
🆔: @nohe_torki
.
محمدرضا صادقی ( شیدا )
.
شرح ایله خامه محنت موسی بن جعفری
ثبت ایلیم مصیبت موسی بن جعفری
.
بیر بیر حکایت ایله یازوم من صحیفه ده
آغلار گوزیله رحلت موسی بن جعفری
.
اول نظرده واردی یازام شان و رتبه سین
درک ایلیم جلالت موسی بن جعفری
.
معصومیدور، آتاسی کیمی چوخ رئوفیدور
یازمیش کتبده عصمت موسی بن جعفری
.
قائل اولان امامتینه شیعه دور فقط
تاپمیش اورکده حرمت موسی بن جعفری
.
عاجزلین معالجه دن سسلر آدینی
کیم درک ائده طبابت موسی بن جعفری
.
چوخدور مقامی باب الحوائج دی شهرتی
چوخلار گوربله قدرت موسی بن جعفری
.
بیر دفعه سسلسه سنی زهرا آنان آقا
قلبا” تاپار شفاعت موسی بن جعفری
.
باب الحوائج ، الله آدیلن شفا وئرر
ایلر عیان عنایت موسی بن جعفری
.
اما اوزی مریضیدی زندان سند ده
ای خامه یازما ذلت موسی بن جعفری
.
نه دکتر اولدی دردینه ائتسون معالجه
کنده آزالتدی قوت موسی بن جعفری
.
ای کاش ائدیدی کنده فقط یاره جسمینی
درک ائتمیوبله ساحت موسی بن جعفری
.
بیر عده تازیانه ووران گونده تازه لور
جسمینده کی جراحت موسی بن جعفری
.
اول قدر ووردولار گئجه گوندوز اول حضرتی
سندیردیلار صلابت موسی بن جعفری
.
عفو ایله یا امام زمان ضرب سیلیدن
نیلی ائدوبله صورت موسی بن جعفری
.
مسموم اولوب نهایتا” عمری چاتوب باشا
دفن ائتمیوبله حضرت موسی بن جعفری
.
اوچ گون قالوب جنازه سی زندان سند ده
آرتیردیلار حقارت موسی بن جعفری
.
« شیدا » قوتار بو مطلبی ایسته بو حالیلن
بو جمعه سن زیارت موسی بن جعفری
.
.
#کاظمیه_شهادت
#شرح_ایله_خامه_محنت_موسی_بن_جعفری
#محمدرضاصادقی
#ترکی
.
✍️ #زبدةالاشعار ✍️
.
🆔: @nohe_torki