در مدح و شهادت حضرت امام صادق علیه السلام
.
✍️ #زبدةالاشعار ✍️
.
🆔: @nohe_torki
.
سید باقر سادات پور
.
ششم امام خلقت مولا امام صادق
هشتم ولی عصمت مولا امام صادق
کلِّ علومه زینت مولا امام صادق
معنای استقامت مولا امام صادق
.
.
سوز باشلیرام بو سوزده نیّت امام صادق
علم و حدیث و تقوا حشمت امام صادق
کثرت امام صادق وحدت امام صادق
استادِ علمِ جَفر و حکمت امام صادق
سسلن به جای بیعت مولا امام صادق
.
.
بو علمیده رموزِ اسرار کائناتی
خالق یازوب که تاپسون خلقت ره نجاتی
بیر نکته واردی بوردا مولا دئیوب حیاتی
احیا ائله بویوردی حی الصّلاتی
ائیلوب عجب وصیّت مولا امام صادق
.
.
حتی بویوردی هرکس یونگول دوتا نمازی
بیزدن دگول،بهشته اولماز اونون جوازی
فرق ایلمز بو سوزده ایرانلیسان حجازی
وقت عبادتینده تاپ سوزیله گُدازی
ائتمز دئیم شفاعت مولا امام صادق
.
.
دوزدی امام صادق مخلوقیدی بشردی
منده بشر او مولا، مقیاسی بی ثمردی
اصل و فروع دینه اعمال من ضرردی
من تک کیم اولسا شیعه دینه اوزی خطردی
یالوار ائده عنایت مولا امام صادق
.
.
وار انتظاری بیزدن درک ایلیاق ظهوری
فکر ایلیاق مقام مولادیوک حضوری
عاشقلرین الینده وار برگه ی عبوری
مست می ولایق دنیاده چون تنوری
سسلر اونی قیامت مولا امام صادق
.
.
علمِ فیزیک و شیمی استادیدی بو مولا
هم هندسه، ریاضی علمینده نور والا
جَفرین علومی بوندا علمی ائدوبدی املا
ابجده سیره چیخسان غوغا سالوبدی غوغا
سرِّ مگوی خلقت مولا امام صادق
.
.
زمزم امام صادق کوثر امام صادق
مشعر امام صادق منبر امام صادق
سرور امام صادق دلبر امام صادق
بو شیعیانه یکسر رهبر امام صادق
سِلم وصفا صداقت مولا امام صادق
.
.
برهان امام صادق احسان امام صادق
عشق عالمینده یاران سلطان امام صادق
ایمان امام صادق قرآن امام صادق
شبهُ النّبی امام جانان امام صادق
تشریح ائدن ولایت مولا امام صادق
.
.
درک ائیلیوب وجود سجادی چوخ زمانی (1)
اوندان آلوب علوم اسرار کربلانی
جدّی دئیوب امامه طوفانلی ماجرانی
اوندان سورا آتاسی باقر دئیوب همانی
مکتوب ائدوب او حضرت مولا امام صادق
.
.
وار نقلیلرده حضرت روضه سالاردی آری
بیریاحسین دئیردی مردم ائدردی زاری
پیروز اولوبدی تیغه کربوبلاده ثاری
اجدادیمن او چولده روشندی روزگاری
روشن دئیوب بو صحبت مولا امام صادق
.
.
دوز عاشق ایندی شیعه الدن عقیده وئرمز
القاب پَست و کوچک راه شهیده وئرمز
فرصت علی بالاسی قوم پلیده وئرمز
ال ساربانه وئردی امّا یزیده وئرمز
تفسیر ائدوب شجاعت مولا امام صادق
.
.
علامه لر ائشیدسین کیم مکتبه گلوبدی
دنیا بویی مصیبت بو مذهبه گلوبدی
اوضاع کربلادن جانیم لبه گلوبدی
جدیم، عموم کیشیدی غم زینبه گلوبدی
غمدن ائدوب حکایت مولا امام صادق
.
.
شاگرد درس مکتب علامه های دوران
ای عاشقان عترت وی حافظان قرآن
بو مکتبین مرامی تقوادی ای مسلمان
کربوبلا نمادِ جنّتدی اوج ایمان
ایلر سیزی هدایت مولا امام صادق
.
.
من جدیمین مرامین حفظ ایلرم بو اثنا
ظلمون مقابلینده سینمام ائشیدسین اعدا
دنیا بویی عزیزدی ملّت عزیز زهرا
دنیا مخالف اولسا صادق منم بو یولدا
چون کوه با صلابت مولا امام صادق
.
.
القصّه گشدی گِتدی چون برق تک زمانلار
قامتلری بوکولدی شیخ اولدولار جوانلار
کربوبلاده یالقوز لب تشنه،باغری قانلار
باشین آغارتدی شاهین اوچ شعبه اوخ، سِنانلار
ایلردی هی روایت مولا امام صادق
.
.
سسلردی کربلاده قان گِتدی آسمانه
اوچ شعبه اوخ بوغازدا ردی قالوب نشانه
بو غُصّه لر امامِ والانی گَتدی جانه
منصور پست و ظالم زهری اولوب بهانه
تاپدی بو نوع شهادت مولا امام صادق
.
.
دِرهم لر اوسته دَرهم زهرا بالاسی اولدی
گودالِ قتلگاهه اعدا داشیلا دولدی
بیر نصف روز روشن گلزار عشقی سولدی
توپراقلار اوسته دوشموش پیکردی، باشدی،قولدی
طوفان سالوب قیامت مولا امام صادق
.
.
یوخسا امامی یاران ظلمت گئجه قباسیز
ظالم چکوبدی کاخه عمامه سیز عباسیز
نعلینیده یوخیدی، بی جُرمُدی خطاسیز
آدیله سسلنوبدی مولامیزی آقاسیز
صبر ائیلیوب به شدّت مولا امام صادق
.
.
منصور پست و ظالم اول مردک حرامی
شمشیری الده ایستیر یارسین دلِ امامی
توهین ائدوب امامه یوخ دلده احترامی
بیردن غلاف ائدوبدی آتدی یره نیامی
گورستدی ذرّه هیبت مولا امام صادق
.
.
سویلوب منی باغشلا عفو ایله یابنَ طاها
من ایلدیم حماقت سن سن عزیز زهرا
سن شخص مصطفی سن ایکی جهاندا مولا
خیبرکنین بالاسی حیدر باخشلی آقا
عفو ائت بئله جسارت مولا، امام صادق
.
.
اول حاکمین وزیری قلبن امامه عاشق
سسلندی بیله سوزلر شخص امامه لایق
امّا عجبدی سندن ثبت اولمویوب به سابق
سسلندی چهره سینده پیغمبریدی صادق
ائتدیم نبی نی رویت مولا امام صادق
.
.
امّا امام عزیزان دلداره آغلیاردی
درگاهی اوتدا یاندی مسماره آغلیاردی
باشسیز قالان امامِ احراره آغلیاردی
ای«سیدی» او مولا سرداره آغلیاردی
آغلا وئرر زیارت مولا امام صادق
.
(1) امام صادق (ع) 18 سال به اندازه عمر مبارک حضرت زهرا (س) ،جد بزرگوار خود امام سجاد (ع) را درک و در محضر ایشان بود.
.
.
#صادقیه_مدح
#صادقیه_شهادت
#ششم_امام_خلقت_مولا_امام_صادق
#ترکی
.
✍️ #زبدةالاشعار ✍️
.
🆔: @nohe_torki
نظر دهید