شمریدن آل آتام اوغلی منه مهلت بوگجه #شب_عاشورا_نادری

شب عاشورا
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
شمریدن آل آتام اوغلی منه مهلت بوگجه
اهل عیالیمه یاتوم خیمه ده راحت بوگجه
.
.
شمره سویله بو حسین قانینه سن باتما گلان!
شرف دینوی ری ملکنه گل ساتما گلان!
مال دنیایه گوره آخرتون آتما گلان!
باخ او پیغمبره چوخ اتمه شرارت بوگجه
.
.
شمره سویله نگران ایله مسون فاطمه نی
تنگ ایدوبسوز منه دنیانی ایا قوم دنی
اهل عیالیمی گوروم گر صباح ئولدورسه منی
چالماسون طبل و دهل قوم عداوت بوگجه
.
.
قارداش عباس گیدوب سوله بوله قوم جفا
من صباح ئولمگه آماده ام ای شمر دغا
قورخوشور عورت اوشاق اونلارا باخ ایله حیا
بلکه راحت یاتالار آل رسالت بوگجه
.
.
مهلت ایستور دیگلن بو گجه نی شاه حجاز
آخرین وقت قیلار خالق معبوده نماز
اهل عیالیله ایده صبحه کیمین راز و نیاز
استراحت ایده اولاد نبوّت بوگجه
.
.
سیز قوناق آدینه گتدوز منی خوار ایلیه سوز ؟
شاه باز شرف شرقی شکار ایلیه سوز؟
مین غم درده منی بوردا دوچار ایلیه سوز ؟
ظلم زوریله مقابلدی عدالت بوگجه
.
.
تانوسوز زادۀ پیغمبر عالی نسبم
وارث و علم امامتده حقیقت طلبم
ایله فرض ایلیون آن جاق منی ساده عربم
ایتمسون بارگهه شمر جسارت بوگجه
.
.
شمره گیت سوله که ای بی هنر و خانه خراب
یخماقا دین ایوینی ایلمه بو قدر شتاب
قلب زهرانی لعین ایلمه بو چولده کباب
ویر وداع ایتمگه منبی کسه فرصت بوگجه
.
.
«نادری» دور زمان چرخ ستم پروره باخ
شمردن مهلت آلان زادۀ پیغمبره باخ
بو عَلَم صاحبی سقا خلفِ حیدره باخ
چکیلور نقشة تدبیر شهادت بوگجه
.
.
 
#شمریدن_آل_آتام_اوغلی_منه_مهلت_بو_گجه
#ترکی
.
✍️ #زبدةالاشعار ✍️
.
🆔: @nohe_torki