قتلگاه
.
✍️ #زبدةالاشعار ✍️
.
🆔: @nohe_torki
.
سید یحیی مبکی اردبیلی
.
شمر دون قویدى قدم اول شاه عطشان اوستونه
آشکارا قوندی توز مرآت سبحان اوستونه
.
.
ایتدی قرآنی مجزّا رشتۀ شیرازه دن
چخدی قرآن اوستونه خنجر چخوب اندازه دن
دورد مین اوخ بیر سینه ده آرتوردی زخمین تازه دن
چکملی چخدی او ظالم شمر قرآن اوستونه
.
.
نطقه گلدی ناطق قرآن عدوّ اللّهیلن
جنگ ایدورسن خالقیله هم رسول اللّهیلن
یوخسا ظالم وار خیالون جنگ اولا اللّهیلن
گورنه جرأتله چخوبسان عرش منّان اوستونه
.
.
بزم عرفان قورموشام یاریله همراز اولموشام
ایچمیشم جام محبّت بسکه دمساز اولموشام
وعده گاهیمدور خدایا چوخ سرافراز اولموشام
عهد قیلمشدیم توکم قربانی قربان اوستونه
.
.
من ئوزوم ذبح عظیمم اولموشام قربان عشق
عشق ئوزی عاشق اولوب مندن آلوب فرمان عشق
عرصۀ کرب و بلاده اولموشام مهمان عشق
نیزه و خنجر چکوبلر تشنه مهمان اوستونه
.
.
قویموشام خلوت سرای عشقه شوقیله قدم
آخدوقیجا قان یارامدان عشقیم آرتار دمبدم
مست جام لایزالم ایتمرم بیر ذرّه غم
دشمنیم گزدیرسه آت گر نعش عریان اوستونه
.
.
بسکه من مست الستم باش ندور پیکر ندور
وصل جانان ایسترم اکبر ندور اصغر ندور
جان فدا جانانیمه انگشت و انگشتر ندور
ساربان شوقیله گلسون تشنه مهمان اوستونه
.
.
ویرمه زحمت توکمه ناحق قانیمی ای ناخدا
ویر منه بیر شربه سو ائت باشمی تندن جدا
یرده قالماز جوش ایدر اول وقتیده خون خدا
خردا قزلاریم گلنده آه و افغان اوستونه
.
.
قانیمی توک دین احمد اولماسون بیر ذرّه خوار
باشیمی کس وور جدایه دینیم اولسون پایدار
کئچمیشم جاه و جلالیمدن بو یولدا هر نه وار
عشقیم آرتار دمبدم توک قانیمی قان اوستونه
.
.
قویموسان ظالم قدم بو سینۀ صد چاکیمه
ایلمزسن رحم بولّم زینب غمناکیمه
مانع اولما آغلیاندا دختران پاکیمه
قانلو گوز یاشین توکنده نقش عریان اوستونه
.
.
شاهراه عشقیده کئچدیم جلال و جاهیدن
قاسم و عبّاس و هم شبه رسول اللهیدن
بارالها گچمه سن بو امّت گمراهیدن
یوز قویوبلار خیمه ده بیمار نالان اوستونه
.
.
.
#حسینیه_مبکی_اردبیلی
#حسینیه_شهادت
#شمر_دون_قویدى_قدم_اول_شاه_عطشان_اوستونه
#ترکی
.
✍️ #زبدةالاشعار ✍️
.
🆔: @nohe_torki
نظر دهید