شمعدن مقصود اولان شمع امامتدور بیزه #شب_عاشورا_کاتب_اردبیلی

تاسوعا – شب عاشورا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم کاتب اردبیلی
.
شمعدن مقصود اولان شمع امامتدور بیزه
صبح اولاندا بو گئجه صبح قیامتدور بیزه
.
.
کربلاده واریدی قرخ بیر چادر اهل عزا
ایلمیشدی روشن اول چادرلری نور هدا
ظلمیلن صباح ائدر خاموش او نوری اشقیا
شمع یاندیرماق داخی اوندان علامتدور بیزه
.
.
بو گئجه ائتمه طلوع ای صبح صادق الحذر
ظلمه آماده اولوب قوم منافق الحذر
اولما راضی ظلمت اولسون نوره فایق الحذر
نور اگر مستور اولا اعظم مصیبتدور بیزه
.
.
بو گئجه یاتماز حسین و زینب بی خانمان
بیرده عباس علی یاتماز که اولمیش پاسبان
بیرده یاتماز ابن سعد و شمریله سفیانیان
کیم صباح موعود روز قتل و غارتدور بیزه
.
.
بو گئجه زینب اولور فکر صباحیله کباب
اوغلی اکبردن اؤتور لیلا اولور بی صبر و تاب
اصغره گهواره ده لایلای دیر بیکس رباب
تشنه لر سویلر سوسوزدان بو نه حالتدور بیزه
.
.
بو گئجه نازلی سکینه دمبدم افغان ائدر
اول قدر آغلار سوسوزدان عالمی گریان ائدر
العطش صوتین بلند اطفال بی سامان ائدر
قوم اعدادن دیرلر نه عداوتدور بیزه
.
.
#شمعدن_مقصود_اولان_شمع_امامتدور_بیزه
#ترکی
.
✍️ #زبدةالاشعار ✍️
.
🆔: @nohe_torki