شعار فدائیان ولایت در ایام الله غدیر
.
✍️ #زبدةالاشعار ✍️
.
🆔: @nohe_torki
.
مصیبی تبریزی
.
شمیم عطر ولانين بهاری یوم غدیر
ولایت اهلينه غيرت حصاری يوم غدير
آجیقلی شیرلرین اقتداری يوم غدير
تمام شیعه لرین افتخاری يوم غدير
اولوبلاچوخلاری عشقین خماری یوم غدیر
چاتوبدی باشه ئورک انتظاری یوم غدیر
اولوبدی خلقين على ، تاجداری يوم غدير
.
.
بيزوخ مرید ولایت بیزوخ شرف کانی
غزال پهنه خاور صلابت عنوانی
فدائیان غدیروخ حقيقته بانی
مراديميز بيلوسیز کیمدی ؛رهبر ثانی
قلندر علوی #قاسم_سلیمانی
ولا يولوندا همان کسدی کی آخوب قانی
سیلردی پیکر دیندن غباری یوم غدیر
.
.
غدیر یعنی تجلای نام پیغمبر
غدیر یعنی تولای فاتح خیبر
غدیر یعنی تماشای ساقی کوثر
غدیر یعنی نماز و دعای عاشقلر
علی نی سسله بو گون گور ئورکلره نیلر
نماز جمعه دی ؛ عشقیله سسله یا حیدر
الى بوش ایلمز هئچ شرمساري يوم غدير
.
.
ولايتين قاباقيندا دایانما خصم دنی
خروش نام علی سیندیروب همیشه سنی
غدير او گوندی ولا منکری سينوب علني
ولایت اهلی ووروب خصم دينه تودهنی
غدير او گوندی سئویندیردی قلب فاطمه ني
فدائیان ولایت گئيللر آغ كفني
سالاللا ياده گينه ذوالفقاري يوم غدير
.
.
دئ ؛ اجنبی لره اللوخ صفانی سیزلردن
قوای عشقیله اللوخ قوانی سیزلردن
حريم كعبه ده حل و منانی سیزلردن
مدینه ده حرم مصطفانی سیزلردن
بقیعده مسند خيرالنسانی سیزلردن
گلراوگون سیلروخ بيز جهانی سیزلردن
اياقلاروخ هامی قوم تتارى يوم غدير
.
.
به یمن عید غدیر عشقی برقرار ائده روق
آجیقلی شیر کیمی روبهی شکار ائده روق
#مدافعین_حرم تک غمی حصار ائده روق
جهاندا صلح و مساواتی پایدار ائده روق
بوي ولدا قان وئره روق جانی بیز نثارائده روق
وجود خصم تبهکاری تار و مار ائده روق
کناره بیز ووراروق خصم زارى يوم غدير
.
.
حمایت ایله ولادن بودور خطاب غدير
کلام رهبر عظما كلام ناب غدير
توكولدي رحمت حق،تاآچیلدی باب غدير
حساب نهضت ایران همان حساب غدير
بیزیم بو ئولكيه تا دوشدی آفتاب غدير
بو مملکتده به پا اولدی انقلاب غدير
اولوبدی خون ولا رگده جاری يوم غدير
.
.
سالوبدی سایه بیزیم ملکه رافت علوی
بو مملکتده خروشاندی غیرت علوی
بو سینه لرده جوشوبدور جسارت علوی
به پادی تا به قيامت بو نهضت علوی
ئولونجه واردی ئورکده شهامت علوی
ائدوبله رهبريلن هامی بیعت علوی
یازیلدى لوحه؛ ولایت شعاری یوم غدیر
.
.
مصیبی قلمین گلدی داده عشق اولسون
سوزونده کی هدف واعتقاده عشق اولسون
دیلینده ازبر اولان بیله آده عشق اولسون
على آدیندا کی شور و وداده عشق اولسون
طواف عشق ائده سن پاپیاده عشق اولسون
نجفده سسلیه سن صاف و ساده؛ عشق اولسون
قوجاقليوب ئوپه سن اول مزاری يوم غدير
.
.
#غدیریه_مصیبی_تبریزی
#حیدریه
#شمیم_عطر_ولانين_بهاری_یوم_غدیر
#ترکی
.
✍️ #زبدةالاشعار ✍️
.
🆔: @nohe_torki
نظر دهید