در سوگ سردار دلها
شهید حاج قاسم سلیمانی
.
.
.
#ستار_رزاقی
.
.
شهادت عاشقه دنیا و عقباده سعادتّدور
شهیدون اجری باشینده اولان تاج شرافتدور
.
سلیمانی نشان ویردی هامی عشّاق دنیایه
کی دِلدن عاشقِ بیر بِیله تاجِ باجلالتّدور
.
بو سردارِ شهیدِ اِستقامت گستروب خلقه
کی میدانِ عملده مِثلِ کوه با صلابتّدور
.
اورکلر عشقِ بو سرداریله مملوّدی یِکسر
سبب بوعشقه، ایثار بو مردِ با دیانتدور
.
تانور آزاده انسانلار بو سردارِ سرافرازی
سالیبدور دِللر عِشقون بوبیر امر حقیقتدور
.
تلاش و اقتداری قورخیه سالمیشدی کفّاری
کی بیلمشدی هامی عالم بو مرد استقامتدور
.
عراق و شام و لبنان و فلسطین و یمن، ایران
یقین مدیون ایثار بومرد با شهامتدور
.
بوکوبدور ائولکمیزدن داعشین طومارینی یکسر
اولوب ثابت نجه سرداریمیز شیر شجاعتدور
.
حریم اهلبیتون حفظینه چوخ چوخ تلاش ایتّدی
عملده گستریبدور جانثار آل عصمتدور
.
تلاش ایتدی همیشه سنگر دین و ولایتده
نشان ویردی کی سرباز وفادار ولایتدور
.
مطیعِ محضیدی امرِ ولیّ امرینه دائم
وظیفه، چون بیلوردی ائوز امامیندن اطاعتدور
.
همیشه سینه ده دست ادب اول معرفت کانی
بو جان سویلردی قربانِِ رهِ قرآن و عِترتدور
.
مثالِ مالکِ اشتر اولوب میر ولا یاری
اِمامِ مسلمینه بیر امیر با شهامتدور
.
بویوردی بیر گونی رهبر بو مضموندا کی ای سردار
بو قدّ و قامتون شایسته ی رختِ شهادتدور
.
اودور شوقِ شهادتله گیدوردی مسلخ عشقه
نچونکی عاشقه بیر بیله ائولماق اوجِ عزّتدور
.
دایاندی استقامتله یتیشسون تاکه مقصوده
بیلوردی یول کی طیّ ایلور ره ایثار و غیرتّدور
.
بویاندی قانه آخر سنگرینده مقصده چاتدی
شهادتله یقین ایمدی جوار حقده راحتدور
.
وجودی گل کیمی خندان اولوبدور دار غربتدّه
بدنده صاف یئری قالموبدی سرتاسر جراحتدور
.
دوشوب قول بیرطرفده پیکر صدپاره بیریاندا
بو سرباز ولایت کشته اهل شقاوتدور
.
بونی دشمن گرک بیلسون بو قانلار بی جواب اولماز
جواب دشمنی دندانشکن ویرماق عدالتدور
.
سلیمانی قانی بیزدن بصیرت ایستوری لاغیر
نجات هر مسلمان چونکی عالمده بصیرتدور
.
یتور بو مطلبی شعرینده رزاقی صراحتله
شهیدون قانینی حفظ ایلماق عین عبادتدور
.
.
#انتقام_سخت
#قاسم_سلیمانی
#شهادت_عاشقه_دنیا_و_عقباده_سعادتدور
#ترکی
#زبدةالاشعار
نظر دهید