میلادیه حضرت معصومه سلام الله علیها
.
✍️ #زبدةالاشعار ✍️
.
🆔: @nohe_torki
.
عینی فرد زنجانی
.
شهر قم جنّاته رشگ ایلور بو گون
کاخ استبداد اولوبدی سرنگون
.
قلب دن موسی بن جعفر شاد اولار
فاطمیلن بُلدی قم آباد اولار
.
گلدی یثربده جهانه فاطمه
زینت اولدی هر زمانه فاطمه
.
آلدی آغوشه اؤپوبدور صورتین
یعنی یوز هشتاد اوچونده هجرتین
.
شکر ایدوب درگاه حقّه بی حساب
خواهر موسی الرّضانی اول جناب
.
خطبه ایراد ایلدی شاه جهان
ذکر ائدوب حضرت اقامیله اذان
.
اهل بیت موسی جعفر تمام
منتظردور نطقه گلسون تا امام
.
سسلیه آدین بو زیبا دخترین
بحرعصمتده ایشیقلی گوهرین
.
انتظاره شه ویروبدور خاتمه
آدینی سسلندی ناگه فاطمه
.
فاطمه شخصیّت وارسته دی
بو آدا ارض و سما وابسته دی
.
فاطمه زیباترین بیر کلمه دی
مثلی دنیایه دوباره گلمدی
.
فاطمه یاد آور خاک حجاز
فاطمه عشق علی روح نماز
.
فاطمه دیباچۀ دیوان حق
اولدی بو معصومه اوندان بیر ورق
.
فاطمه عمریجه عمر ائتدی خانم
قبرینه قربان اولا مالیم جانیم
.
دهریده اولموش وجودی نادره
طیّب و طاهر آناسی طاهره
.
گلشن عصمتده گلدور بو خانم
پاک طینت پاک دلدور بو خانم
.
هر کسین وار مشگلی ایتسه سفر
شهر قمدا فاطمه حلّ ایلیر
.
صحن و ایوان و رواقی وار اونون
هر گجه گوندوز قوناقی وار اونون
.
جز حسین و زینب عالی سیر
بیله باجی قارداش اولماز شیعه لر
.
هر یره گیتدی حسین زینب گیدوب
آی دالیجا گوئیا کوکب گیدوب
.
گئتدی معصومه هارا گتدی رضا
آیری دوشسون اولمادی دلدن رضا
.
گوزیاشی مِی غمدی ساقی دل سبو
قبرینی گوزیاشی ایلر شستشو
.
گر مدینه ایستوری گوگلون سنون
آستانین اؤپ خانم معصومه نون
.
قم دیاریندن بهشته واردی راه
دید باطنله بیری ایتسه نگاه
.
قبرین «عینی فرد» اؤپسه هر زمان
یاد ایدر زهرانی آغلار بی گمان
.
.
#حضرت_معصومه_عینی_فرد
#حضرت_معصومه_میلادیه
#شهر_قم_جناته_رشگ_ایلور_بو_گون
#ترکی
.
✍️ #زبدةالاشعار ✍️
.
🆔: @nohe_torki
نظر دهید