#فرشتگان_در_قتلگاه
#جبرائیل_در_قتلگاه
.
✍️ زبدة الاشعار ✍️
🆔: @nohe_torki
.
مرحوم #شبخیز
.
شهپرین ائتمه باشیم اوسته حمایل جبرئیل
عاشق و معشوق آرا گل اولما حایل جبرئیل
.
.
ساقی وحدت ائله جام وفادن مست ائدوب
کیم اوزمدن چیخموشام بلمم منه ساغر نئدوب
قتلگاهه خنجر الده کیم گلوب یا کیم گئدوب
یا بو چولده کیم اولوب منله مقابل جبرئیل
.
.
شوق وصل شاهد جان اختیار الدن آلوب
آند اولا عشقه ایاقدان محنت هجران سالوب
عشقیده محو اولموشام مندن نما دور تک قالوب
بو نمادیمدا اولار آخرده زایل جبرئیل
.
.
دینی تبلیغ ایلدیم عالم لره عیسی کیمی
باشلادیم فرعون عصریله جدل موسی کیمی
باشیمی گر کسه لر باک ائتمرم یحیی کیمی
حقدن آیریلسون گرک دنیاده باطل جبرئیل
.
.
باشلا نور کرب و بلادن عرشه معراجیم منیم
نیزه رفرف،زخم شمشیر بلا تاجیم منیم
تک نه سن سن عالم امکاندا محتاجیم منیم
صف چکوب شاهلار قاپومدا مثل سائل جبرئیل
.
.
نیلورم ما معین اولسون بو صحرا ایچمرم
تشنه جان وئرم طریق حقدن اما گئچمرم
اوغلومی قاره غلامیمدان بو چولده سئچمرم
تا بیلینسون کیمدی بو عالمده عادل جبرئیل
.
.
من امیر العاشقینم، شاه جنت درگهم
لی مع الله مسندینده مالکم شاهنشهم
هر نه فکریندن خطور ائدسه بو چولدهآگهم
قطره امریمدن اولار دریایه واصل جبرئیل
.
.
سن همان سان کیم آتام گو یلرده امداد ایلدی
مات قالموشدون طریق حقه ارشاد ایلدی
عالم تردیدن قورتاردی آزاد ایلدی
اولدون اوز استادیوه شاگرد قابل جبرئیل
.
.
گلموسن بو چولده اظهار ارادت ائتماقا
یالقیزام فکر ایلدون گلدون حمایت ائتماقا
مین فلک سن تک ملک حاضردی خدمت ائتماقا
من ولیکن اولموشام تقدیره مایل جبرئیل
.
.
ایستوسن اولسون عوض بو خدمتین استادیوه
سسله دوشسن مشکله هر وقفه ده فریادیوه
من اوزوم هر حالیده گللم سنون امدادیوه
قولومون اثباتینه فعلیمدی عامل جبرئیل
.
.
حاجتیم یوخدور سنه مین دفعه اولسام گرهلاک
باخ گلوب امداده صدر عرشدن ارواح پاک
سرنوشتیمدور بو چولده سینه م اولسون چاک چاک
چاپسون آت جسمیمده اوباش و ارازل جبرئیل
.
.
عاشق شوریده سر ائتمز ئولومدن واهمه
وصل جانان آختاران دوزسون گرک هر بیر غمه
عشقی اثبات ایلرم عالمده نسل آدمه
ثبت اولار تاریخیده بو عشق، کامل جبرئیل
.
.
قانیم آخسون یاره لردن توپراق اوسته سو کیمی
اووچیلارسالسین کمنده اوخلانان آهو کیمی
بو چولی گل جسمیم ایلر جنت مینو کیمی
نخل دین وئرسون گرک بو چولده حاصل جبرئیل
.
.
ایله مستم بیلمورم کیم سرو و شمشادیم هانی
هاردا دوراهل وعیالیم یار و اولادیم هانی
نیلوری نازلی رقیه م،یا که سجادیم هانی
هاردیام مقتل هایانداکیمدی قاتل جبرئیل
.
.
اولدی فیروز تفاقی شعر شبخیزه دلیل
دردینه درمان ائله ای مفخر آل خلیل
کیم بو درگاه مقدسده اوزون دوتسا ذلیل
عزت و جاهه اولار دنیاده نایل جبرئیل
.
#سبک_زینبم_جان_اوستیم … 4 سبک
.
#شهپرین_ائتمه_باشیم_اوسته_حمایل_جبرئیل
#ترکی
.
✍️ #زبدةالاشعار ✍️
.
🆔: @nohe_torki
نظر دهید